உங்களுடன் ஸ்டாலின் திட்டப் பணிகள்: கள்ளக்குறிச்சி ஆட்சியா் ஆலோசனை

கள்ளக்குறிச்சி: கள்ளக்குறிச்சி மாவட்டத்தில் உங்களுடன் ஸ்டாலின் திட்ட முகாம்கள் முன்னேற்பாட்டுப் பணிகள் குறித்து மாவட்ட ஆட்சியா் எம்.எஸ்.பிரசாந்த் ஆய்வு செய்தாா்.

தமிழகத்தில் அனைத்து நகா்ப்புற மற்றும் ஊரகப் பகுதிகளில் உங்களுடன் ஸ்டாலின் திட்டம் தொடங்கப்படுகிறது.

இத் திட்டத்தை முதல்வா் மு.க.ஸ்டாலின் செவ்வாய்க்கிழமை (ஜூலை 15) கடலூா் மாவட்டம், சிதம்பரம் நகராட்சியில் தொடங்கி வைக்க உள்ளாா்.

இதைத் தொடா்ந்து, அன்றைய தினம் கள்ளக்குறிச்சி மாவட்டத்தில் இத்திட்டம் தொடங்கப்பட உள்ளது.

இத்திட்ட தொடக்க விழா முன்னேற்பாட்டுப் பணிகள் குறித்த ஆலோசனைக் கூட்டம் ஆட்சியா் அலுவலகத்தில் சனிக்கிழமை நடைபெற்றது.

கூட்டத்துக்கு தலைமை வகித்த மாவட்ட ஆட்சியா்

எம்.எஸ். பிரசாந்த், இத்திட்ட விண்ணப்பம் நிறைவு செய்யும் முறைகள் மற்றும் தகவல் கையேடு பொதுமக்களுக்கு வழங்கும் பணி நடைபெற்று வருகிறது. 3 மாதங்கள் தொடா்ச்சியாக நடைபெறும் இப்பணியில் ஏற்பட்டுள்ள முன்னேற்றம் குறித்தும், பணியில் ஈடுபட்டுள்ள தன்னாா்வலா்களின் வருகை குறித்தும் தொடா்ந்து கண்காணித்திட சம்பந்தப்பட்ட துறை அலுவலா்களுக்கு அறிவுறுத்தினாா்.

மேலும், விண்ணப்பத்தை நிறைவு செய்து, உரிய ஆவணங்களுடன் ஆன்லைனில் ஏற்றுவது, பொதுமக்களுக்கு வழங்க வேண்டிய அடிப்படை வசதிகள் உள்ளிட்டவை குறித்து துறை அலுவலா்களுக்கு தெரிவித்தாா்.

மேலும், விடுபட்ட மகளிருக்கு கலைஞா் உரிமைத் தொகைக்கான

விண்ணப்பத்தை முகாமில் பதிவேற்றம் செய்ய அறிவுறுத்தினாா்.

கூட்டத்தில் மாவட்ட வருவாய் அலுவலா் ரா.ஜீவா, தனித் துணை ஆட்சியா் சுமதி உள்ளிட்ட அலுவலா்கள் கலந்து கொண்டனா்.