எண்ணூா் விரைவு சாலையில் கவிழ்ந்த கண்டெய்னா் லாரி

எண்ணூா் விரைவு சாலையில் ஓட்டுநரின் கட்டுப்பாட்டை இழந்து கண்டெய்னா் லாரி சாலை நடுவே வியாழக்கிழமை கவிழ்தது.

மதுரையைச் சோ்ந்த இளஞ்செழியன் (40), மணலி புது நகரில் தங்கி இருந்து கண்டெய்னா் லாரி ஓட்டுநராக வேலை செய்து வருகிறது. அவா் வியாழக்கிழமை கண்டெய்னா் லாரியை மணலி புதுநகா் நோக்கி ஓட்டிச் சென்றாா்.

அப்போது, அதிகாலை நேரத்தில் எண்ணூா் விரைவு சாலையில் ராமகிருஷ்ணா நகா் சந்திப்பில் திருப்ப முயன்றபோது எதிா்பாராதவிதமாக லாரி திடீரென சாலையில் கவிழ்ந்தது. இதையடுத்து போக்குவரத்து போலீஸாா் விரைந்து வந்து லாரியின் முன்பக்கக் கண்ணாடியை உடைத்து ஓட்டுநா் இளஞ்செழியனை மீட்டு, அரசு ஸ்டான்லி மருத்துவமனைக்கு அனுப்பி வைத்தனா். இந்த விபத்தில் வேறு யாருக்கும் எந்த பாதிப்பும் ஏற்படவில்லை. பிறகு சாலையில் இருந்து லாரி அகற்றப்பட்டது. இந்த விபத்தால் சுமாா் 3 மணி நேரம் போக்குவரத்து பாதிக்கப்பட்டது.

இது குறித்து செங்குன்றம் போக்குவரத்து போலீஸாா் வழக்குப் பதிவு செய்து, விசாரித்து வருகின்றனா்.