ஒகேனக்கல்லில் ஆடிப் பெருக்கு விழா: ரூ. 1.07 கோடி மதிப்பில் நலத்திட்ட உதவி அமைச்சா் வழங்கினாா்

ஒகேனக்கல்லில் நடைபெற்ற ஆடிப் பெருக்கு விழாவில் 301 பயனாளிகளுக்கு ரூ.1.07 கோடி மதிப்பிலான நலத்திட்ட உதவிகளை அமைச்சா் எம்.ஆா்.கே. பன்னீா்செல்வம் சனிக்கிழமை வழங்கினாா்.

தருமபுரி மாவட்டம், ஒகேனக்கல்லில் சனிக்கிழமை ஆடிப்பெருக்கு விழா தொடக்க நிகழ்வில் மாநில வேளாண்மை மற்றும் உழவா் நலத்துறை அமைச்சா் எம்.ஆா்.கே.பன்னீா்செல்வம் கலந்துகொண்டு, 301 பயனாளிகளுக்கு ரூ. 1.07 கோடி மதிப்பிலான நலத்திட்ட உதவிகளை வழங்கி பேசியதாவது:

ஒகேனக்கல்லில் ஆடிப்பெருக்கு விழா சுற்றுலாத் துறை சாா்பில் சனிக்கிழமை தொடங்கி, திங்கள்கிழமை வரை 3 நாள்கள் நடைபெறுகிறது.

ஒகேனக்கல் சுற்றுலாத் தலத்திற்கு சுற்றுலாப் பயணிகள் வருகை அதிகரிப்பால், உள்ளூா் மக்களுக்கு வேலைவாய்ப்பு அதிகரித்து, தனி மனித வருமானம் அதிகரிக்கும். மேலும், மாவட்டத்தின் பொருளாதார வளா்ச்சியும் மேன்மை அடையும்.

ஒகேனக்கல் சுற்றுலாத் தலத்தை பல்வேறு வசதிகளுடன் மேம்படுத்தும் விதமாக ரூ. 17.58 கோடி மதிப்பீட்டில் நுழைவுவாயில் வளைவு, கழிப்பறைகள், நுழைவுச்சீட்டு வழங்குமிடம், உணவகம், படகுத் தளம், பாா்வையாளா் மேடை, மசாஜ் செய்யும் இடம், குளியலறைகள், உடை மாற்றும் அறைகள், ஆழ்துளைக் கிணறு போன்ற மேம்பாட்டுப் பணிகளும், வத்தல்மலை பகுதியில் ரூ. 2.23 கோடி மதிப்பில் நில சீரமைப்பு, வாகன நிறுத்துமிடம், நுழைவு வாயில் வளைவு, உணவகம், வரவேற்பறை, ஆழ்துளைக் கிணறு போன்ற மேம்பாட்டுப் பணிகளும் மேற்கொள்ளப்பட்டு, தமிழக முதல்வரால் மக்கள் பயன்பாட்டிற்கு கடந்த ஆண்டு நவம்பா் மாதம் திறந்து வைக்கப்பட்டது.

ஒகேனக்கல் சுற்றுலாத் தலத்தில் மாவட்ட நிா்வாகத்தின் வழிகாட்டுதல்படி, ஒருமுறை பயன்படுத்தும் நெகிழி பயன்பாட்டைத் தவிா்த்து, சுத்தமான, சுகாதாரமான சுற்றுலாத் தலமாக பராமரிக்க உள்ளூா் மக்களும், சுற்றுலாப் பயணிகளும் ஒத்துழைப்பு வழங்க வேண்டும் என்றாா்.

தொடா்ந்து, தருமபுரி மாவட்டதிட்டங்கள் மற்றும் சாதனைகள் குறித்து

நாடு போற்றும் நான்காண்டு தொடரட்டும் என்ற சாதனை விளக்க கையேட்டை அமைச்சா் வெளியிட்டாா்.

கண்காட்சி அரங்குகள் திறப்பு:

ஒகேனக்கல் ஆடிப்பெருக்கு விழாவையொட்டி

வில் செய்தி மக்கள் தொடா்பு துறை சாா்பில் அமைக்கப்பட்டுள்ள அரசின் திட்டங்கள், சாதனை விளக்கப் புகைப்படக் கண்காட்சி, பல்துறை பணி விளக்க கண்காட்சி அரங்குகளை அமைச்சா் எம்.ஆா்.கே.பன்னீா்செல்வம் மாவட்ட ஆட்சியா் ரெ.சதீஷ் ஆகியோா் திறந்துவைத்து பாா்வையிட்டனா்.

இதில் 301 பயனாளிகளுக்கு ரூ.1.08 கோடி மதிப்பிலான அரசு நலத்திட்ட உதவிகளை அமைச்சா் எம்.ஆா்.கே. பன்னீா்செல்வம், மாவட்ட ஆட்சியா் ரெ.சதீஷ் ஆகியோா் வழங்கினா்.

முன்னதாக ஒகேனக்கல் ஆடிப்பெருக்கு விழாவிற்கு ஆட்சியா் ரெ.சதீஷ் தலைமை வகித்தாா். தருமபுரி மக்களவை உறுப்பினா் ஆ.மணி, பென்னாகரம் சட்டப்பேரவை உறுப்பினா் ஜி.கே. மணி ஆகியோா் முன்னிலை வகித்தனா். மாவட்ட காவல் கண்காணிப்பாளா் எஸ்.எஸ். மகேஸ்வரன், மாவட்ட வருவாய் அலுவலா் கவிதா, மாவட்ட வருவாய் கோட்டாட்சியா் காயத்ரி, மாவட்ட ஊராட்சி வளா்ச்சி முகமை திட்ட இயக்குநா் ரூபன் சங்கர்ராஜ், மாவட்ட சுற்றுலா அலுவலா் (பொ) கதிரேசன் உள்ளிட்டோா் கலந்துகொண்டனா்.