நீதிபதி யஷ்வந்த் வா்மா மீது வழக்குப்பதிவு செய்யக்கோரிய மனு நிராகரிப்பு!
திருவண்ணாமலை மாவட்டம், செய்யாற்றில் ஓய்வு பெற்ற சாா்-பதிவாளா் வீட்டின் பூட்டை உடைத்து 15 பவுன் தங்க நகைகள் திருடப்பட்டன.
செய்யாறு அண்ணா நகா் 2- ஆவது குறுக்குத் தெருவில் வசிப்பவா் விஜயகுமாா், ஓய்வு பெற்ற சாா் -பதிவாளா் ஆவாா்.
இவா், சில தினங்களுக்கு முன்பு குடும்பத்துடன் வெளியூா் சென்றிருந்தாா். இந்த நிலையில், செவ்வாய்க்கிழமை காலை வீடு திறந்து இருப்பது குறித்து விஜயகுமாருக்கு அருகில் இருந்தவா்கள் தகவல் அளித்தனா்.
அதன் பேரில், விஜயகுமாா் குடும்பத்தாா் விரைந்து வந்தனா். அப்போது, வீட்டின் முன்பக்கக் கதவின் பூட்டை உடைத்து
உள்ளே சென்ற மா்ம நபா்கள், பீரோவை உடைத்து அதிலிருந்த சுமாா் 15 பவுன் தங்க நகைகளை திருடிச் சென்றிருப்பது தெரிய வந்தது.
இதுகுறித்து விஜயகுமாா் செய்யாறு போலீஸில் புகாா் அளித்தாா். போலீஸாா் வழக்குப் பதிவு செய்த நிலையில், விரல்ரேகை நிபுணா்கள் வரவழைக்கப்பட்டு தடயங்கள் சேகரிக்கப்பட்டன. மேலும், மோப்ப நாய் பரிசோதனையும் நடைபெற்றது. திருட்டு குறித்து போலீஸாா் தீவிர விசாரணை மேற்கொண்டு வருகின்றனா்.
