செக் குடியரசு: கத்திக்குத்து தாக்குதலில் 2 பெண்கள் உயிரிழப்பு
உண்மையை மறைத்து, அதிமுக தொண்டா்களை ஏமாற்றுவதை முன்னாள் முதல்வா் ஓ.பன்னீா்செல்வம் இனியும் தொடரக் கூடாது என தமிழக சட்டப் பேரவை எதிா்க் கட்சித் துணைத் தலைவா் ஆா்.பி.உதயகுமாா் தெரிவித்தாா்.
இதுகுறித்து அவா் வெளியிட்ட பத்திரிகை செய்தி: மக்களையும், அதிமுக தொண்டா்களையும் குழப்பும் வகையில் முன்னாள் முதல்வா் ஓ.பன்னீா்செல்வம் பேசுகிறாா். மறைந்த முன்னாள் முதல்வா் ஜெயலலிதா தனக்கு நற்சான்று கொடுத்ததாக அவா் தொடா்ந்து பேசுவது உண்மைக்குப் புறம்பானதாகும். அவருக்கு ஓ.பன்னீா்செல்வம் மீது நம்பிக்கைக் குறைபாடு ஏற்பட்டது என்பதே உண்மையாகும். இதை, மறைந்த முன்னாள் முதல்வா் ஜெயலலிதா என்னிடம் நேரடியாகவே தெரிவித்தாா்.
இதன் காரணமாகவே, தேனி மாவட்டத்தில் 2010-ஆம் ஆண்டில் நடைபெற்ற முல்லைப் பெரியாறு போராட்டத்துக்கும், அதே ஆண்டு தேனியில் நடைபெற்ற அதிமுக செயல் வீரா்கள் கூட்டத்துக்கும் ஓ.பன்னீா்செல்வத்தைத் தவிா்த்து, என்னைப் பங்கேற்குமாறு ஜெயலலிதா உத்தரவிட்டாா். தமிழகம் முழுவதும் அதிமுவுக்கு வெற்றி வாய்ப்பு நழுவியபோதும், தேனியில் அதிமுக வெற்றி பெற எனது உழைப்பும் முக்கியக் காரணம் என்பதை தொண்டா்கள் மறக்கமாட்டாா்கள்.
தன்னுடைய சுய நலனுக்காக, அதிகாரத்துக்காக ஓ. பன்னீா்செல்வம் பல உண்மைகளை மறைத்து செயல்பட்டாா் என்பது தங்க.தமிழ்ச்செல்வன், நயினாா் நாகேந்திரன் உள்பட பலருக்கும் தெரியும். எனவே, எனக்கு எச்சரிக்கை விடும் தகுதி ஓ.பன்னீா்செல்வத்துக்குக் கிடையாது.
அதிமுக ஒற்றுமையாக இருப்பதற்கு யாரும் தடையாக இல்லை என்பதை தொண்டா்கள் நன்கு அறிவா். கட்சிக்கு ஏற்பட்ட அனைத்து சோதனைகளுக்கும் ஓ.பன்னீா்செல்வம்தான் காரணம் என்பது தொண்டா்களுக்கும், மக்களுக்கும் தெரியும்.
எனவே, கட்சியின் ஒற்றுமைக்கு எதிராக பிரச்னையை திசை திருப்பும் வகையில் பேசி, தொண்டா்களை ஏமாற்றும் போக்கை ஓ.பன்னீா்செல்வம் இனியும் தொடரக்கூடாது என்றாா்.
