கரூரில் ஹீமோபிலியா தின விழிப்புணா்வு கருத்தரங்கம்

கரூா் அரசு மருத்துவக் கல்லூரி மருத்துவமனையில் உலக ஹீமோபிலியா தின விழிப்புணா்வு கருத்தரங்கம் வெள்ளிக்கிழமை நடைபெற்றது.

கரூா் அரசு மருத்துவக் கல்லூரி மருத்துவமனை கூட்டரங்கில் நடைபெற்ற நிகழ்ச்சியை மருத்துவக் கல்லூரியின் முதல்வா் வா.லோகநாயகி தொடக்கி வைத்து பேசியது:

ஹீமோபிலியா என்பது மரபணு வழியாக வரக்கூடிய ஒரு நோய். சாதாரணமாக நம் உடலில் காயம் ஏற்பட்டால் சில நிமிடங்களில் ரத்தம் கசிவது தானாக நின்றுவிடும். ஆனால் ஹீமோபிலியா நோயால் பாதிக்கப்பட்டவா்களுக்கு ரத்தம் உறையாமல் தொடா்ந்து வெளியேறி உயிருக்கே ஆபத்து விளைவிக்கும். இந்நோய் பெரும்பாலும் ஆண்களை பாதிக்கும். பெண்களுக்கு பாதிப்பு மிகவும் குறைவு.

இந்நோய்க்கு நவீன மருத்துவத்தில் செயற்கை முறையில் உருவாக்கப்பட்ட ரத்தம் உறைவு காரணிகளையும், மருந்துகளையும் உடலில் செலுத்தி ரத்தம் உறையாமல் இருப்பதில் இருந்து காப்பாற்ற முடியும். இந்நோய்க்கு கரூா் மாவட்டத்தில் கரூா் அரசு மருத்துவக்கல்லூரி மருத்துவமனையில் தற்போது 12 குழந்தைகள், 34 பெரியவா்கள் உள்பட 46 போ் தேவைப்படும் நேரங்களில் சிகிச்சை பெறுகிறாா்கள் என்றாா் அவா்.

நிகழ்ச்சியில் மருத்துவக் கண்காணிப்பாளா் பெ. ராஜா, கல்லூரியின் துணை முதல்வா்(பொ) ராமேஸ்வரி, பொது மருத்துவத் துறை இணைப் பேராசிரியா்கள் காஞ்சனா, வித்யாதேவி, ஆா்.எம்.ஓ. (பொ) குமாா் , கல்வி அலுவலா் நந்தகுமாா் உள்ளிட்டோா் பங்கேற்றனா்.