கல்வீரம்பாளையத்தில் ‘உங்களுடன் ஸ்டாலின்’ முகாம்

கோவை மாநகராட்சி, கல்வீரம்பாளையத்தில் ‘உங்களுடன் ஸ்டாலின்’ திட்ட முகாம் வியாழக்கிழமை நடைபெற்றது.

கோவை மாவட்டத்தில் ‘உங்களுடன் ஸ்டாலின்’ திட்டத்தின்கீழ் இரண்டாம் கட்ட முகாம் மாநகராட்சி, நகராட்சி, பேரூராட்சி, ஊராட்சி ஒன்றியம் ஆகிய பகுதிகளில் (96 முகாம்கள்) ஆகஸ்ட் 19-ஆம் முதல் செப்டம்பா் 12 -ஆம் தேதி வரை நடைபெற உள்ளன.

இந்நிலையில், கோவை மாநகராட்சி மேற்கு மண்டலம் 37 மற்றும் 38-ஆவது வாா்டுகளுக்குள்பட்ட பகுதிகளுக்கு கல்வீரம்பாளையத்தில் முகாம் நடைபெற்றது.

இதில், மாநகராட்சி மேயா் கா.ரங்கநாயகி ஆய்வு மேற்கொண்டு, பயனாளிகளின் விண்ணப்பங்களுக்கு உடனடி ஆணைகளை வழங்கினாா். முகாமில், மேற்கு மண்டலத் தலைவா் கே.ஏ.தெய்வயானை தமிழ்மறை, உதவி ஆணையா் துரைமுருகன் உள்ளிட்டோா் கலந்துகொண்டனா்.

இன்று (ஆகஸ்ட் 22) முகாம் நடைபெறும் இடங்கள்: மாநகராட்சி தெற்கு மண்டலம், 94-ஆவது வாா்டுக்குள்பட்ட சுந்தராபுரத்தில் உள்ள செண்பககோனாா் மண்டபம், மத்திய மண்டலம் 48, 49-வது வாா்டுகளுக்கு நியூ சித்தாபுதூரில் உள்ள கோயம்புத்தூா் ஸ்ரீ ஐயப்பா சேவா சங்க சமுதாய கூடம், பொள்ளாச்சி நகராட்சியில் 12,19,26 ஆகிய வாா்டுகளுக்கு அன்னை மஹால், சூளேஸ்வரன்பட்டி பேரூராட்சியில் 1,2,3,6,7,8,9,10- ஆகிய வாா்டுகளுக்கு ஸ்ரீவிக்னேஸ்வரா திருமண மண்டபம், கிணத்துக்கடவு ஊராட்சி ஒன்றியத்துக்குள்பட்ட காட்டம்பட்டி ஊராட்சிக்கு காட்டம்பட்டி சமுதாயக் கூடம், சூலூா் ஊராட்சி ஒன்றியத்துக்குள்பட்ட கலங்கல், பீடம்பள்ளி ஆகிய ஊராட்சிகளுக்கு ஜெயம் ஹால் ஆகிய இடங்களில் முகாம்கள் நடைபெற உள்ளன என்று மாவட்ட நிா்வாகம் சாா்பில் தெரிவிக்கப்பட்டுள்ளது.