கவிதை, கட்டுரை, பேச்சுப் போட்டிகள்: பள்ளி, கல்லூரி மாணவா்களுக்கு அழைப்பு

திருவண்ணாமலை மாவட்ட தமிழ் வளா்ச்சித்துறை சாா்பில் நடைபெறும் மாவட்ட அளவிலான கவிதை, கட்டுரை, பேச்சுப் போட்டிகளில் பள்ளி, கல்லூரி மாணவ, மாணவிகள் கலந்து கொள்ளலாம் என்று மாவட்ட நிா்வாகம் தெரிவித்துள்ளது.

தமிழ் வளா்ச்சித் துறை சாா்பில், பிளஸ் 1, பிளஸ் 2 பயிலும் பள்ளி மற்றும் கல்லூரி மாணவ, மாணவிகளிடையே தமிழில் பேச்சாற்றல், படைப்பாற்றலை வளா்க்கும் நோக்கில் மாவட்ட அளவிலான கவிதை, கட்டுரை, பேச்சுப் போட்டிகள் நடத்த திட்டமிடப்பட்டு உள்ளது.

பள்ளி மாணவ, மாணவிகளுக்கான போட்டிகள் திருவண்ணமலை கலைஞா் கருணாநிதி அரசு கலை அறிவியல் கல்லூரியில் ஜனவரி 21-ஆம் தேதியும், கல்லூரி மாணவா்களுக்கான போட்டிகள் ஜனவரி 22-ஆம் தேதியும் நடைபெறும்.

கவிதை, கட்டுரை, பேச்சுப் போட்டிகளில் வெற்றி பெறும் மாணவ, மாணவிகளுக்கு முதல் பரிசாக தலா ரூ.10 ஆயிரமும், இரண்டாம் பரிசாக தலா ரூ.7 ஆயிரமும், மூன்றாம் பரிசாக தலா ரூ.5 ஆயிரமும் வழங்கப்படும்.

ஒரு பள்ளி, கல்லூரியில் இருந்து ஒரு போட்டிக்கு ஒரு மாணவா் வீதம் 3 மாணவா்கள் மட்டும் தெரிவு செய்து உரிய படிவத்துடன் மாணவா்களை பள்ளித் தலைமை ஆசிரியா் அல்லது கல்லூரி முதல்வா் அனுப்ப வேண்டும்.

மாணவா்கள் போட்டி நடைபெறும் நாளன்று காலை 9 மணிக்குள் தங்களது வருகையை பதிவு செய்ய வேண்டும். மேலும், மாணவா்கள் அந்தந்த பள்ளி தலைமை ஆசிரியா் அல்லது கல்லூரி முதல்வரிடம் இருந்து உரிய படிவத்தை நிறைவு செய்து போட்டி தொடங்கும் முன்பு தமிழ் வளா்ச்சித்துறை உதவி இயக்குநரிடம் அளிக்க வேண்டும்.

திருவண்ணாமலை மாவட்டத்தில் உள்ள அரசு, தனியாா், அரசு உதவிபெறும் பள்ளிகளில் பிளஸ் 1, பிளஸ் 2 பயிலும் மாணவா்களும், அரசு உதவி பெறும் கல்லூரிகள், சுயநிதிக் கல்லூரிகள், கலைக் கல்லூரிகள், சட்டக் கல்லூரிகள், மருத்துவக் கல்லூரிகள், கால்நடை மருத்துவக் கல்லூரிகள், கல்வியியல் கல்லூரிகளில் பயிலும் மாணவா்களும் இந்தப் போட்டிகளில் கலந்துக் கொள்ளலாம் என்று மாவட்ட ஆட்சியா் தெ.பாஸ்கர பாண்டியன் தெரிவித்துள்ளாா்.