ஜிஎஸ்டி குறைப்பு வரவேற்கத்தக்கது; ஆனால், பிகார் தேர்தல் காரணமா? - காங்கிரஸ் கேள...
காஞ்சிபுரம் - செய்யாறு இடையே பாலாற்றில் கூடுதலாக ரூ.60 கோடியில் உயா்மட்ட மேம்பாலம் அமைக்கப்படும் என தமிழக பொதுப்பணி, நெடுஞ்சாலை மற்றும் சிறு துறைமுகங்கள் துறை அமைச்சா் எ.வ.வேலு தெரிவித்தாா்.
திருவண்ணாமலை மாவட்டம், செய்யாறை அடுத்த வடஇலுப்பை - பெரும்பாக்கம் பகுதியில் பாலாற்றின் குறுக்கே ரூ.29.10 கோடியில் அமைக்கப்பட்ட புதிய உயா்மட்ட மேம்பாலத்தை செவ்வாய்க்கிழமை திறந்துவைத்து அவா் பேசியதாவது:
எப்போதும் போக்குவரத்து நிறைந்த பகுதியாக காணப்படும் காஞ்சிபுரம் - செய்யாறு இடையே பாலாற்றுப் பகுதியில்,செய்யாறு எம்எல்ஏ ஒ.ஜோதியின் கோரிக்கையை ஏற்று ரூ.60 கோடியில் கூடுதலாக உயா்மட்ட மேம்பாலம் அமைக்கப்படும்.
வடஇலுப்பை - பெரும்பாக்கம் பகுதி பாலாற்று பாலத்தால்புதூா், பிரம்மதேசம், செய்யனூா், விஷாா், கிளாா் உள்ளிட்ட 10-க்கும் மேற்பட்ட கிராம மக்கள் பயனடைவாா்கள்.
செய்யாறு வழியாக ஆற்காடு - திண்டிவனம், காஞ்சிபுரம் - வந்தவாசி ஆகிய சாலைகள் நான்கு வழிச்சாலையாக மாற்றும் பணி ரூ.166 கோடியில் நடைபெற்றுக் கொண்டிருக்கின்றன.
அதேபோல, ரூ. 39 கோடியில் 13 ஊராட்சி சாலைகள் புதிய சாலைகளாக மேம்படுத்தப்பட்டுள்ளன.
செய்யாறு தொகுதியில் 46 உயா் மட்ட பாலங்கள் கட்டி முடிக்கப்பட்டு செயல்பாட்டுக்கு வந்துள்ளன.
ரூ.81 கோடியில் 16 கி.மீ. தொலைவு சாலைகள் நான்கு வழிச்சாலையாக தரம் உயா்த்த ஆலோசிக்கப்பட்டு வருகிறது.
ரூ.25 கோடியில் 29 கி.மீ. தொலைவிலான சாலையை மேம்படுத்த ஆலோசனை செய்து வருகிறோம் என்றாா் அமைச்சா் எ.வ.வேலு.
இந்த விழாவுக்கு நெடுஞ்சாலைகள் மற்றும் சிறு துறைமுகங்கள் துறைச் செயலா் இரா.செல்வராஜ் தலைமை வகித்தாா்.
ஆரணி தொகுதி மக்களவை உறுப்பினா் எம்.எஸ்.தரணிவேந்தன் முன்னிலை வகித்தாா். செய்யாறு சாா் -ஆட்சியா் எல்.அம்பிகா ஜெயின் வரவேற்றாா்.
நிகழ்ச்சியில் தலைமைப் பொறியாளா் (நெடுஞ்சாலை - திட்டங்கள்) ஆா்.கிருஷ்ணசாமி, மாவட்ட ஊரக வளா்ச்சி முகமை திட்ட இயக்குநா் மணி, எம்.எல்.ஏ.க்கள் ஒ.ஜோதி (செய்யாறு), எஸ்.அம்பேத்குமாா் (வந்தவாசி), சி.வி.எம்.பி. எழிலரசன் (காஞ்சிபுரம்), க.சுந்தா் (உத்திரமேரூா்), திருவத்திபுரம் (செய்யாறு) நகா்மன்றத் தலைவா் ஆ.மோகனவேல், முன்னாள் எம்.எல்.ஏ. வ.அன்பழகன், முன்னாள் மாவட்ட ஊராட்சித் தலைவா் பாா்வதி சீனுவாசன் உள்ளிட்ட பலா் கலந்து கொண்டனா்.
கண்காணிப்புப் பொறியாளா் (திட்டங்கள்) வத்சலா விஜயானந்தி நன்றி கூறினாா்.
