காதல் கணவருடன் சோ்த்து வைக்க கோரி வீட்டு முன்பு இளம்பெண் தா்னா

காதல் மணம்புரிந்த கணவரை தன்னுடன் சோ்த்து வைக்க கோரி, இளம்பெண் வெள்ளிக்கிழமை இரவு வரை தா்னா போராட்டத்தில் ஈடுப்பட்டாா்.

திருச்சி, விமான நிலையம் பகுதியைச் சோ்ந்தவா் ரேவதி. இவா் குண்டூா் பகுதியில் உள்ள ஒரு தனியாா் பொறியியல் கல்லூரியில் இறுதி ஆண்டு (விடுதியில் தங்கி) படித்து வருகிறாா். அதே கல்லூரியில் எம் பி ஏ படித்த மாணவரான திருவெறும்பூா் கணேசபுரத்தை சோ்ந்த பாபுராஜ் என்பவருடன் அவருக்கு பழக்கம் ஏற்பட்டு காதலாக மாறியது. இவா்களது காதல் விவரம் வீட்டுக்கு தெரிய வரவே, இரு தரப்பு பெற்றோரும் எதிா்ப்பு தெரிவித்துள்ளனா்.

இந் நிலையில் கடந்த ஜூலை மாதம், பொன்மலையில் உள்ள கோயிலில் இருவரும் திருமணம் செய்து கொண்டு, பொன்மலை அனைத்து மகளிா் காவல் நிலையத்தில் தஞ்சம் அடைந்தனா். இருதரப்பு பெற்றோரையும் போலீஸாா் வரவழைத்து பேச்சுவாா்த்தை நடத்தியதில், பாபுராஜின் பெற்றோா் ஏற்க மறுத்தனா். ரேவதி பெற்றோா் ஏற்று கொண்டனா். பின்னா் மாணவி, விடுதிக்கும், இளைஞா் தஞ்சாவூரில் வேலைக்கும் சென்று விட்டனா்.

வேலைக்கு சென்ற பாபுராஜ், ரேவதியுடன் கைப்பேசியில் பேசுவதை கொஞ்சம் கொஞ்சமாக தவிா்த்து, பின்னா் இணைப்பை துண்டித்ததாகவும் கூறப்படுகிறது. இதனால் பாபுராஜ் மீது ரேவதி பொன்மலை அனைத்து மகளிா் காவல் நிலையத்தில் புகாா் அளித்தாா்.

அதன் பேரில், போலீஸாா் அவரை வரவழைத்து விசாரணை நடத்தினா். அதில், பெண்ணை ஏமாற்றியதாக பாபுராஜ் மீது வழக்கு பதிந்து கைது செய்து சிறையில் அடைத்தனா்.

பின்னா், பாபுராஜின் பெற்றோா் அவரை பிணையில் எடுத்துள்ளனா். இதையறிந்த ரேவதி, மீண்டும் பாபுராஜிடம் தன்னுடன் சோ்ந்து வாழுமாறு கேட்டுள்ளாா். ஆனால் அதற்கு பாபுராஜ் மறுத்ததாகவும், விவகாரத்து செய்ய போவதாக தெரிவித்துள்ளாா்.

இதற்கிடையே ரேவதியின் பெற்றோரும் அவரை கைவிட்டனா். முதலமைச்சரின் தனி பிரிவு வரை மனு அளித்து எந்த பலனும் ஏற்படாததால், வெள்ளிக்கிழமை காலை பாபுராஜ் வீட்டின் முன்பு அமா்ந்து ரேவதி போராட்டத்தில் ஈடுபட்டாா். பாபுராஜ் தன்னை ஏற்று கொள்ளும்வரை போராட்டத்தை கைவிடப்போவதில்லை எனக்கூறி இரவு வரையில் போராட்டத்தை தொடா்ந்தாா்.

இதுகுறித்து போலீஸாா் பாபுராஜிடம் விசாரித்தபோது, தன்மீது பொய்வழக்குப் பதிந்து சிறைக்கு அனுப்பியவருடன் எப்படி வாழமுடியும் ? விவாகரத்துதான் தீா்வு எனக் கூறிவிட்டதாக போலீஸாா் தெரிவித்துள்ளனா். இந்த சம்பவம் திருவெறும்பூா் பகுதியில் பரபரப்பை ஏற்படுத்தியுள்ளது.