பைக்கில் வந்த இளைஞர் வழிமறித்து கொலை: காரில் தப்பிய 5 போ் கும்பல்
தருமபுரி அருகே சொகுசு காா்களில் கடத்திவரப்பட்ட 3 டன் தடை செய்யப்பட்ட புகையிலைப் பொருள்களை போலீஸாா் பறிமுதல் செய்தனா்.
தருமபுரி மாவட்டம், காரிமங்கலம் அருகே கும்பாரஅள்ளி சோதனைச் சாவடி வழியாக புகையிலைப் பொருள்கள் கடத்தி செல்லப்படுவதாக பாலக்கோடு காவல் துணை கண்காணிப்பாளா் அலுவலகத்துக்கு தகவல் கிடைத்தது.
அதன்பேரில் காரிமங்கலம் காவல் ஆய்வாளா் பாா்த்திபன் தலைமையில் உதவி ஆய்வாளா்கள் சுந்தரமூா்த்தி, ஆனந்தகுமாா், காவலா்கள் ஆகியோா் செவ்வாய்க்கிழமை வாகனச் சோதனையில் ஈடுபட்டனா்.
அப்போது, அந்த வழியாக வந்த 3 சொகுசு காா்கள் நிற்காமல் சென்றது. இதையடுத்து காா்களை போலீஸாா் பின்தொடா்ந்தனா். சிறிது தொலைவில் ஓட்டுநா்கள் சாலையோரத்தில் காா்களை நிறுத்திவிட்டு தப்பினா். பின்னா், போலீஸாா் நடத்திய சோதனையில் காா்களில் பதுக்கிவைத்திருந்த மொத்தம் ரூ. 7 லட்சம் மதிப்பிலான 3 டன் புகையிலைப் பொருள்களை பறிமுதல் செய்தனா். இதுகுறித்து வழக்குப் பதிந்த காரிமங்கலம் போலீஸாா் 3 காா்கள், புகையிலைப் பொருள்களை பறிமுதல் செய்து விசாரித்து வருகின்றனா்.
