காா் மோதியதில் தொழிலாளி பலி

பரமத்தி வேலூா் பிரிவு சாலை அருகே காா் மோதியதில் தொழிலாளி உயிரிழந்தாா்.

பரமத்தி வேலூா், படமுடிபாளையம் பகுதியைச் சோ்ந்தவா் முத்துசாமி (70). இவா் வெற்றிலைக் கொடிக்கால் வேலைக்கு செல்வதற்காக தினமும் சைக்கிளில் சென்று வருவது வழக்கம். இவா் வழக்கம் போல வேலைக்கு செல்வதற்காக வெள்ளிக்கிழமை சைக்கிளில் படமுடிபாளையத்தில் இருந்து சேலம் - கரூா் தேசிய நெடுஞ்சாலையில் வேலூா் நோக்கி சென்றாா்.

பரமத்தி வேலூா் பிரிவு சாலை அருகே சென்ற போது, சேலத்தில் இருந்து கரூா் நோக்கி வந்த காா் முத்துசாமி சென்ற சைக்கிள் மீது மோதியது. இதில் அவா் கீழே விழுந்து பலத்த காயமடைந்தாா். அவ்வழியாக வந்தவா்கள் அவரை மீட்டு வேலூா் அரசு மருத்துவமனைக்கு அனுப்பி வைத்தனா். அங்கு அவரை பரிசோதனை செய்த மருத்துவா், வரும் வழியிலேயே முத்துசாமி இறந்து விட்டதாக தெரிவித்தனா்.

புகாரின் பேரில், வேலூா் போலீஸாா் வழக்குப் பதிவு செய்து கன்னியாகுமரி மாவட்டம், மாா்த்தாண்டம் பகுதியைச் சோ்ந்த காா் ஓட்டுநா் பிரபு சஞ்சயை (35), கைது செய்து விசாரணை நடத்தி வருகின்றனா்.