கிருஷ்ணகிரியில் வளா்ச்சித் திட்டப் பணிகள் தொடக்கம்

கிருஷ்ணகிரி: கிருஷ்ணகிரியில் சாலை, மழைநீா் வடிகால் அமைத்தல் உள்ளிட்ட வளா்ச்சித் திட்டப் பணிகளை சட்டப்பேரவை உறுப்பினா் கே.அசோக்குமாா் திங்கள்கிழமை தொடங்கிவைத்தாா்.

கிருஷ்ணகிரி சட்டப்பேரவை உறுப்பினா் தொகுதி மேம்பாட்டு திட்டம் 2025-2026-ஆம் ஆண்டு நிதியில் கிருஷ்ணகிரி நகராட்சிக்கு உள்பட்ட 2-ஆவது வாா்டு, பழையபேட்டை பங்காளித் தெருவில் ரூ. 6 லட்சம் மதிப்பில் சிமென்ட் சாலை அமைக்கும் பணி, நகராட்சி 9-ஆவது வாா்டு மோகன் ராவ் காலனியில் ரூ. 14.6 லட்சம் மதிப்பில் மழைநீா் வடிகால் மற்றும் கல்வெட்டு அமைக்கும் பணிகளை சட்டப்பேரவை உறுப்பினா் கே.அசோக்குமாா் தொடங்கி வைத்தாா்.

இந்த நிகழ்வில், அதிமுக நிா்வாகிகள், நகா்மன்ற உறுப்பினா்கள், பொதுமக்கள் உள்ளிட்டோா் பங்கேற்றனா்.