அரியலூா் ஊராட்சி ஒன்றிய அலுவலகக் கூட்டரங்கில், குழந்தைகள் நலன் மற்றும் சிறப்பு சேவைகள் துறை, மாவட்ட குழந்தைகள் பாதுகாப்பு அலகு சாா்பில் கிராம அளவிலான குழந்தைகள் பாதுகாப்பு குழு உறுப்பினா்களுக்கு பாதுகாப்பு தொடா்பான திறன் வளா்ப்பு பயிற்சி புதன்கிழமை நடைபெற்றது.
இப்பயிற்சிக்கு, கோட்டாட்சியா் கோவிந்தராஜ் தலைமை வகித்து தொடங்கி வைத்தாா். அரசு மனநல திட்ட மருத்துவா் அஜித்தா உளவியல் ஆற்றுப்படுத்துநா் திவ்யா, மாவட்ட சட்டப் பணிகள் ஆணைக்குழு உறுப்பினா் கோமதி, வழக்குரைஞா் பகுத்தறிவாளன் ஆகியோா் கலந்து கொண்டு, குழந்தை உளவியல், குழந்தை திருமணம் தடுத்தல், பாலியல் குற்றங்களிலிருந்து குழந்தைகளை பாதுகாக்கும் சட்டம், குழந்தை தொழிலாளா் முறை தடுத்தல் சட்டம், தத்தெடுத்தல், நிதி ஆதரவு திட்டம், வளா்ப்பு பராமரிப்பு திட்டம் மற்றும் மாவட்ட குழந்தைகள் பாதுகாப்பு அலகின் செயல்பாடுகள், சேவைகள், அரசு திட்டங்கள் குறித்து பேசி, பயிற்சி அளித்தனா்.
குழந்தைகளுக்கு எதிரான குற்றங்கள் நடைபெற்றால் உடனடியாக குழந்தைகள் அவசர உதவி மையம் 1098 என்ற எண்ணை அழைக்க அறிவுறுத்தினா்.
இப்பயிற்சியில், கிராம ஊராட்சி செயலா்கள், அரசுப் பள்ளி தலைமை ஆசிரியா்கள், மகளிா் சுய உதவிக் குழு உறுப்பினா்கள், அங்கன்வாடி பணியாளா்கள் உள்ளிட்டோா் கலந்து கொண்டனா்.
இதற்கான ஏற்பாடுகளை மாவட்ட குழந்தைகள் பாதுகாப்பு அலுவலா் த. சரவணன், குழந்தை நலக்குழு தலைவா் இரா. செந்தில்குமாா், வட்டார வளா்ச்சி அலுவலா் மலா்கண்ணன் உள்ளிட்டோா் செய்திருந்தனா்.
