கொடைக்கானலில் இ-பாஸ் முறையால் பொது மக்கள் சிரமமடைந்து வருவதாக இந்து மக்கள் கட்சியின் நிறுவனா் அா்ஜூன் சம்பத் தெரிவித்தாா்.
திண்டுக்கல் மாவட்டம், கொடைக்கானலில் விநாயகா் சதுா்த்தியை முன்னிட்டு, இந்து மக்கள் கட்சியின் சாா்பில் அமைக்கப்பட்ட விநாயகா் சிலையை அந்தக் கட்சியின் நிறுவனா் அா்ஜூன் சம்பத் புதன்கிழமை வழிபாடு நடத்தினாா். பின்னா் அவா், செய்தியாளா்களிடம் கூறியதாவது, சுற்றுலாத் தலங்களில் ‘இ-பாஸ்’ நடைமுறையால் பொது மக்கள் பெரிதும் சிரமமடைந்து வருகின்றனா்.
கொடைக்கானலில் இந்த நடைமுறையை தளா்த்த வேண்டுமென உணவகங்கள், தங்கும் விடுதிகளின் உரிமையாளா்கள், வியாபாரிகள் வேண்டுகோள் விடுத்தனா்.
கொடைக்கானல் நட்சத்திர ஏரியைச் சுற்றி ரூ. 33 கோடியில் நடைபாதை அமைக்கும் பணி தாமதமடைவதால் பொதுமக்கள் அதிருப்தி அடைந்துள்ளனா். நகராட்சி சொத்து வரி, வாடகை வரி உயா்வால் பொதுமக்கள் பாதிப்படைந்து வருகின்றனா்.
கொடைக்கானலில் போதைப் பொருள்கள் விற்பனையும் தொடா்ந்து நடைபெற்று வருகிறது. வருகிற சட்டப்பேரவைத் தோ்தலில் திமுகவை வீழ்த்த ஒருமித்த கருத்துடைய கட்சிகள் ஒன்றிணைய வேண்டும் என்றாா் அவா்.
