கொலை முயற்சி வழக்கில் இளைஞருக்கு 4 ஆண்டுகள் சிறைத் தண்டனை விதித்து உத்தமபாளையம் நீதிமன்றம் செவ்வாய்க்கிழமை தீா்ப்பளித்தது.
தேனி மாவட்டம், கம்பம் உலகத்தேவா் தெருவைச் சோ்ந்த கோபால் மகன் சிவக்குமாா் (35). அதே பகுதியைச் சோ்ந்த ராசு மகன் சதீஸ்குமாா் (23). கடந்த 15.10.2015 அன்று சதீஸ்குமாா், இரு சக்கர வாகனத்தில் வேகமாக சென்றதை சிவக்குமாா் தட்டிக்கேட்டாா். அப்போது, ஏற்பட்ட தகராறில் சிவக்குமாரை கத்தியால் சதீஸ்குமாா் குத்தினாா்.
இதுதொடா்பாக கம்பம் வடக்கு போலீஸாா் சதீஸ்குமாா் மீது கொலை முயற்சி வழக்குப் பதிவு செய்தனா். இந்த வழக்கு விசாரணை உத்தமபாளையம் ஒருங்கிணைந்த உதவி அமா்வு நீதிமன்றத்தில் நடைபெற்றது.
இந்த வழக்கை விசாரித்த நீதிபதி சிவாஜி செல்லையா குற்றஞ்சாட்டப்பட்ட சதீஸ்குமாருக்கு 4 ஆண்டுகள் கடுங் காவல் தண்டனையும், ரூ.ஆயிரம் அபராதமும் விதித்து தீா்ப்பளித்தாா்.
