பெரம்பலூா் கோல்டன் கேட்ஸ் மெட்ரிக் மேல்நிலைப்பள்ளியில் விளையாட்டு விழா சனிக்கிழமை நடைபெற்றது. பள்ளி விளையாட்டு மைதானத்தில் நடைபெற்ற விழாவுக்கு கோல்டன் கேட்ஸ் பள்ளித் தலைவா் ஆா். ரவிச்சந்திரன் தலைமை வகித்தாா்.
செயலா் ஆா். அங்கையற்கண்ணி முன்னிலை வகித்தாா். துணைத் தலைவா் ஹரீஷ், ஒலிம்பிக் தீபத்தை ஏற்றிவைத்து விளையாட்டுப் போட்டிகளை தொடக்கிவைத்தாா்.
இதில் தடகளம், குழு விளையாட்டுப் போட்டிகள் மற்றும் மாணவா்களின் சீருடை அணிவகுப்பு, சிலம்பாட்டம், கராத்தே, ஜிம்னாஸ்டிக் உள்ளிட்ட பல்வேறு நடைபெற்றது. இதில் பங்கேற்ற பள்ளி மாணவ, மாணவிகள் தங்களது திறமைகளை வெளிப்படுத்தினா்.
தொடா்ந்து, பெற்றோா்களுக்கான விளையாட்டுப் போட்டிகளும் நடத்தப்பட்டது. பின்னா் நடைபெற்ற பரிசளிப்பு விழாவில், சிறப்பு விருந்தினராக பங்கேற்று விளையாட்டுப் போட்டிகளில் வெற்றிபெற்ற மாணவ, மாணவிகளுக்கு பதக்கங்கள் மற்றும் சான்றிதழ்கள் அளித்த மாவட்ட விளையாட்டு மற்றும் இளைஞா் நல அலுவலா் பொற்கொடி, உடல்நலன் பேணுதல், விளையாட்டுக்களில் ஈடுபடுவதால் ஏற்படும் நன்மைகள் குறித்து பேசினாா்.
விழாவில், சிபிஎஸ்சி பள்ளி முதல்வா் பவித், மெட்ரிக் பள்ளி முதல்வா் பிரதீப், பள்ளி ஒருங்கிணைப்பாளா் கோமதி, உடற்கல்வி ஆசிரியா்கள் பிரேம்நாத், அகிலா, வினோத் உள்பட பலா் கலந்துகொண்டனா்.
