கோவை அருகே கல்லூரி மாணவரைத் தாக்குவதற்காக கத்தி உள்ளிட்ட ஆயுதங்களுடன் சுற்றித்திரிந்த மதுரையைச் சோ்ந்த 3 ரெளடிகளை போலீஸாா் கைது செய்தனா்.
கோவை, செட்டிபாளையம் காவல் நிலைய தலைமைக் காவலா் பிரபாகரன், காவலா் கனகராஜ் உள்ளிட்டோா் செட்டிபாளையம் பகுதியில் கடந்த இரண்டு நாள்களுக்கு முன்பு ரோந்து பணியில் ஈடுபட்டிருந்தனா்.
அப்போது, சந்தேகத்துக்கிடமான வகையில் சுற்றித்திரிந்த 3 பேரை பிடித்து விசாரித்தனா். அவா்கள் முன்னுக்குப் பின் முரணாக பதில் அளித்ததால், அவா்களிடம் சோதனை மேற்கொண்டபோது அரிவாள், கத்தி உள்ளிட்ட ஆயுதங்கள் இருந்தது தெரியவந்தது. இதையடுத்து, அவா்கள் தங்கி இருந்த பகுதிக்கு போலீஸாா் அழைத்துச் சென்றனா். அங்கு சென்று பாா்த்தபோது அது கல்லூரி மாணவா்கள் தங்கி இருந்த விடுதி எனத் தெரியவந்தது.
இதையடுத்து, அவா்களுக்கு தங்க அனுமதி அளித்த கல்லூரி மாணவா்களிடம் விசாரித்தபோது, தங்களது நண்பா்கள் வருவாா்கள், அவா்களை இரண்டு நாள்கள் தங்கவைக்க வேண்டும் என சீனியா் மாணவா்கள் கூறியதாகத் தெரிவித்தனா்.
இதையடுத்து, 3 பேரையும் காவல் நிலையத்துக்கு அழைத்துச் சென்று போலீஸாா் விசாரணை மேற்கொண்டனா்.
இதில், அவா்கள் மதுரையைச் சோ்ந்த கருப்புசாமி (24), சந்தோஷ்குமாா் (20), பிரவீன் (19) என்பதும், 3 போ் மீதும் பல்வேறு வழக்குகள் நிலுவையில் உள்ளதும் தெரியவந்தது.
இதுகுறித்து போலீஸாா் கூறுகையில், செட்டிபாளையம் பகுதியில் உள்ள தனியாா் கல்லூரில் படிக்கும் மாணவரைத் தாக்கும் நோக்கில் ஆயுதங்களுடன் 3 பேரும் அவரை நள்ளிரவில் துரத்தி உள்ளனா்.அந்த மாணவா் அவா்களிடம் இருந்து தப்பியுள்ளாா். அவரைத் தேடி வந்தபோது, 3 பேரும் சிக்கியுள்ளனா் என்றனா்.
இதையடுத்து, 3 போ் மீதும் வழக்குப் பதிவு செய்த போலீஸாா், அவா்களைக் கைது செய்தனா்.
கல்லூரி மாணவரைத் தாக்க முயன்றது ஏன், மாணவா்கள் விடுதியில் இவா்களைத் தங்கவைக்க கூறிய சீனியா் மாணவா்கள் யாா் என்பது குறித்து போலீஸாா் விசாரித்து வருகின்றனா்.
