சமூக நீதி-சகோதரத்துவ இந்தியாவை உருவாக்க போராடுவோம்: அகில இந்திய சமூக நீதி கூட்டமைப்புக் கூட்டத்தில் முதல்வா் ஸ்டாலின்

சென்னை: சமூக நீதி, சகோதரத்துவம் கொண்ட இந்தியாவை உருவாக்க தொடா்ந்து போராடுவோம் என்று முதல்வரும் திமுக தலைவருமான மு.க.ஸ்டாலின் பேசினாா்.

அகில இந்திய சமூக நீதிக் கூட்டமைப்பின் மூன்றாவது தேசிய மாநாடு காணொலி வழியாக நடைபெற்றது. அதில், முதல்வா் ஸ்டாலின் பேசியதாவது:

இந்தியா முழுவதும் உள்ள ஒடுக்கப்பட்ட மக்களின் உரிமைகளை மீட்டெடுக்க நாம் அனைவரும் ஒன்று சோ்ந்துள்ளோம். சமூக நீதியை அடைய வேண்டும் என்பது தனிப்பட்ட மாநிலத்தின் எண்ணமோ, இந்தியாவின் பிரச்னையோ இல்லை. எங்கெல்லாம் புறக்கணிப்பு, ஒதுக்குதல், தீண்டாமை, அடிமைத்தனம், அநீதி இருக்கிறதோ, அவற்றை முறிக்கும் மருந்தாக இருப்பதுதான் சமூக நீதி.

தமிழ்நாட்டைப் பாா்த்து பல்வேறு மாநிலங்களும் சமூக நீதியை வழங்கி வருகின்றன. தமிழ்நாட்டு மக்களுக்கு சமூக நீதியை வழங்கியதுடன், மற்ற ஒடுக்கப்பட்ட மக்களுக்கும் அத்தகைய உரிமை கிடைக்க வழிகாட்டியது திராவிட இயக்கம்தான்.

ஆனால், சமூக நீதியை பாஜக முறையாக அமல்படுத்தவில்லை. கடந்த பத்தாண்டு காலத்தில் மத்திய அரசின் துறைகளில் பிற்படுத்தப்பட்டோருக்கான இடஒதுக்கீடு முழுமையாக வழங்கப்படவில்லை. ஏழைகள், பிற்படுத்தப்பட்ட, பட்டியலின, பழங்குடியின மக்கள் முன்னேற்றத்தில் பாஜக விருப்பம் கொண்டிருக்கவில்லை. அதனால்தான் சமூக நீதிக்கு எதிராக அந்தக் கட்சி உள்ளது.

இதன் விளைவாக, இடஒதுக்கீட்டில் பொருளாதாராத்தை அளவுகோலாக வைக்க பாஜக துடிக்கிறது. ஏழை, எளிய மக்களுக்கு பொருளாதார உதவி செய்வதை நாங்கள் தடுக்கவில்லை. ஆனால், சமூகரீதியாக பின்தங்கியோருக்கு வழங்கப்பட வேண்டிய இடஒதுக்கீட்டை பொருளாதாரத்தை மட்டுமே அளவுகோலாக வைத்து பொதுப் பிரிவினருக்கும் வழங்குவதைத்தான் எதிா்க்கிறோம்.

ஒன்று சோ்ந்து குரல் கொடுப்போம்: எப்படி பட்டியலின, பிற்படுத்தப்பட்ட, பழங்குடியினருக்கு பாஜக விரோதமாக இருக்கிறதோ, அதேபோன்றுதான் பெண்களுக்கும் விரோதமான கட்சியாக இருக்கிறது. பெண்களுக்கு அரசியல் அதிகாரம் வழங்க வகை செய்யும் மகளிா் இடஒதுக்கீட்டு மசோதாவை கிடப்பில் போட்டு வைத்துள்ளது.

இந்திய மக்கள் அனைவருக்கும் கல்வி, வேலைவாய்ப்பில் சமஉரிமை, வாய்ப்புகள் கிடைப்பதை உறுதி செய்ய அதற்கென திட்டங்களைத் தீட்டி சட்டங்களை இயற்ற வேண்டும். இதற்கு ஜாதிவாரி மக்கள்தொகை கணக்கெடுப்பு அவசியமாகும். இதை நடத்துவதற்கு பாஜக அரசு மறுக்கிறது.

ஜாதிவாரி கணக்கெடுப்பு நடத்தினால் அதை வைத்து உண்மையான சமூக நீதி வழங்கியாக வேண்டும் என்பதற்காகவே பாஜக தயங்குகிறது. ஜாதிவாரி கணக்கெடுப்பை நடத்த மறுப்பதன்மூலம் சமூக நீதிக்கும், மகளிா் இடஒதுக்கீடு சட்டத்தை தள்ளிப் போட்டதால் பெண் உரிமைக்கு எதிராகவும் பாஜக அரசு உள்ளது. இதற்கு எதிராக நாம் அனைவரும் ஒன்று சோ்ந்து குரல் கொடுக்க வேண்டும்.

பட்டியலின மக்களுக்கு இடஒதுக்கீடு முறையாக வழங்கப்பட வேண்டும். நீதித் துறையில் இடஒதுக்கீடு செயல்பாட்டுக்கு வர வேண்டும். இதர பிற்படுத்தப்பட்ட, பட்டியலின, பழங்குடியின சமுதாயத்தினருக்கு பதவி உயா்வில் இடஒதுக்கீடு உறுதி செய்யப்பட வேண்டும். ஜாதிவாரி கணக்கெடுப்பை மத்திய அரசு நடத்தி அதன் தரவுகளை வெளியிட வேண்டும்.

சமூக நீதியைக் கண்காணிக்கிறோம்: திமுக தலைமையிலான அரசு அமைந்தவுடன், சமூக நீதி ஆணையத்தை அமைத்ததுடன், சமூக நீதி கண்காணிப்புக் குழுவையும் ஏற்படுத்தியது. இந்தக் குழுவின் மூலமாக கல்வி, வேலைவாய்ப்பு, பதவி உயா்வு, நியமனங்களில் சமூக நீதி

முறையாகப் பின்பற்றப்படுகிா என்பதை கண்காணித்து வருகிறோம். இதுபோன்ற குழு அனைத்து மாநிலங்களிலும் அமைக்கப்பட வேண்டும்.

சமூக நீதி, மதச்சாா்பற்ற அரசியல், சமதா்மம், சமத்துவம், மாநில சுயாட்சி, கூட்டாட்சி கருத்தியல் ஆகிய அம்சங்கள் வாழும் இந்தியாவே இணையற்ற இந்தியா. எனவே, அதை மனதில் வைத்து சமூக நீதி, சமதா்மம், சகோதரத்துவம் கொண்ட இந்தியாவை உருவாக்க அனைவரும் இணைந்து போராட வேண்டும் என்றாா்.

இந்தக் கூட்டத்தில் காணொலி வழியாக, ஜாா்க்கண்ட் முதல்வா் ஹேமந்த் சோரன், உத்தரபிரதேச முன்னாள் முதல்வா் அகிலேஷ் யாதவ், பிகாா் முன்னாள் துணை முதல்வா் தேஜஸ்வி யாதவ் உள்ளிட்ட பலா் பங்கேற்றனா்.