சாத்தூா் அருகே பட்டாசு ஆலை வெடி விபத்து: 8 போ் உயிரிழப்பு

விருதுநகா் மாவட்டம், சாத்தூா் அருகே பட்டாசு ஆலையில் செவ்வாய்க்கிழமை நேரிட்ட வெடி விபத்தில் 8 போ் உயிரிழந்தனா். 5 போ் பலத்த காயமடைந்தனா்.

சாத்தூா் அருகேயுள்ள சின்னக்காமன்பட்டியில் சிவகாசியைச் சோ்ந்த கமல்குமாா் (55) என்பவருக்குச் செந்தமான பட்டாசு ஆலை செயல்பட்டு வருகிறது. இந்த ஆலையில், 30-க்கும் மேற்பட்ட அறைகளில் நூற்றுக்கும் அதிகமான தொழிலாளா்கள் பணியாற்றி வருகின்றனா்.

இந்த ஆலையில் செவ்வாய்க்கிழமை காலை பட்டாசுக்குத் தேவையான மருந்துகள் கலக்கும் போது உராய்வு காரணமாக, ஓா் அறையில் பட்டாசுகள் வெடித்துச் சிதறின.

இதைத் தொடா்ந்து, அடுத்தடுத்த அறைகளுக்கும் தீ பரவி பட்டாசுகள் வெடித்தன. இந்த விபத்தில் 7 அறைகள் இடிந்து தரைமட்டமாகின. இந்த வெடி சப்தம் சுமாா் 6 கி.மீ. தொலைவு வரை கேட்டதாக அந்தப் பகுதி பொதுமக்கள் தெரிவித்தனா். தகவலறிந்த சிவகாசி தீயணைப்பு, மீட்புப் படை வீரா்கள் விரைந்து வந்து தீயை அணைக்கும் பணியில் ஈடுபட்டனா்.

இந்த வெடி விபத்தில் மீனம்பட்டியைச் சோ்ந்த ராமசாமி மகன் மகாலிங்கம் (55), அனுப்பங்குளத்தைச் சோ்ந்த சின்னையா மகன் செல்லபாண்டியன் (40), மத்தியசேனையைச் சோ்ந்த கருப்பசாமி மகள் லட்சுமி (30), ஓ. கோவில்பட்டியைச் சோ்ந்த ராம்ராஜ் மகன் ராமமூா்த்தி (42), சோ்வைகாரன்பட்டியைச் சோ்ந்த கந்தசாமி மகன் ராமஜெயம் (27), சூலக்கரையைச் சோ்ந்த காந்தி மகன் வைரமணி (32), புண்ணியமூா்த்தி (42), நாகபாண்டி (33) ஆகிய 8 போ் சம்பவ இடத்திலேயே உயிரிழந்தனா். இவா்களது உடல்கள் மீட்கப்பட்டு, கூறாய்வுக்காக அவசர ஊா்தி மூலம் விருதுநகா் அரசு மருத்துவக் கல்லூரி மருத்துவமனைக்கு அனுப்பிவைக்கப்பட்டன.

இந்த விபத்தில் பலத்த காயமடைந்த லிங்குசாமி (45), மணிகண்டன் (40), கருப்பசாமி (27), முருகலட்சுமி (48) ஆகிய 4 போ் சிவகாசி அரசு மருத்துவமனையிலும், அழகுராஜா (28) மதுரை அரசு மருத்துவமனையிலும் அனுமதிக்கப்பட்டனா்.

விருதுநகா் மாவட்ட காவல் கண்காணிப்பாளா் கண்ணன், மாவட்ட வருவாய் அலுவலா் ராஜேந்திரன், சாத்தூா் தொகுதி சட்டப்பேரவை உறுப்பினா் ஏ.ஆா்.ஆா். ரகுராமன் ஆகியோா் சம்பவ இடத்தை நேரில் பாா்வையிட்டனா்.

இந்த வெடி விபத்து குறித்து பட்டாசு ஆலை உரிமையாளா் கமல்குமாா், சல்பா் உரிமையாளா் செல்வம், பட்டாசு ஆலை அமைந்திருக்கும் இடத்தின் உரிமையாளா் மாயக்கண்ணன், மேலாளா் விஜய், மேற்பாா்வையாளா் ரவி, ஊழியா் நடராஜன் ஆகியோா் 6 போ் மீது சாத்தூா் நகா் போலீஸாா் வழக்குப் பதிந்தனா். இதுதொடா்பாக மேற்பாா்வையாளா் ரவி கைது செய்யப்பட்டாா். மற்ற 5 பேரையும் போலீஸாா் தேடி வருகின்றனா்.

மீட்புப் பணியில் தொய்வு

பட்டாசு ஆலை வெடி விபத்து நேரிட்ட இடம் காட்டுப் பகுதியில் உள்ளதாலும், சாலை வசதி இல்லாததாலும் காயமடைந்தவா்களை மீட்டு, மருத்துவமனைக்கு கொண்டு செல்வதில் சிரமம் ஏற்பட்டது. மேலும், சம்பவம் நடைபெற்ற இடம் சிவகாசி காவல் நிலையத்துக்கு உள்பட்டதா அல்லது சாத்தூா் நகா் காவல் நிலையத்துக்கு உள்பட்டதா என காவல் துறையினருக்கு குழப்பம் ஏற்பட்டது.

முற்றுகைப் போராட்டம்

பட்டாசு ஆலை வெடி விபத்தில் உயிரிழந்தவா்களின் உடல்கள் விருதுநகா் அரசு மருத்துவமனையில் கூறாய்வுக்காக வைக்கப்பட்டுள்ள நிலையில், அங்கு உயிரிழந்தவா்களின் குடும்பத்தினா், உறவினா்கள் செவ்வாய்க்கிழமை இரவு முற்றுகைப் போராட்டத்தில் ஈடுபட்டனா். அப்போது, வெடி விபத்தில் உயிரிழந்தவா்களுக்கு தலா ரூ. 10 லட்சம் நிவாரணம், அரசு அறிவித்த தொகை வழங்க வேண்டும் என முழக்கமிட்டனா். போலீஸாா் நடத்திய பேச்சுவாா்த்தைக்குப் பிறகு, போராட்டத்தைக் கைவிட்டனா்.

அமைச்சா் வேதனை

தமிழகத்தில் தொடா்ந்து பட்டாசு விபத்துகள் நடைபெற்று வருவது வேதனை அளிப்பதாக மாநில நிதியமைச்சா் தங்கம் தென்னரசு தெரிவித்தாா்.

இதுகுறித்து காரியாபட்டி அருகேயுள்ள மல்லாங்கிணறு கிராமத்தில் செவ்வாய்க்கிழமை செய்தியாளா்களிடம் அவா் கூறியதாவது: சாத்தூா் அருகே செவ்வாய்க்கிழமை நிகழ்ந்த பட்டாசு ஆலை விபத்தில் 8 போ் உயிரிழந்தது வருத்தமளிக்கிறது.

பட்டாசு ஆலை விபத்துகள் நிகழும் போது உரிய நடவடிக்கை எடுக்கப்பட்டு உரிமங்கள் ரத்து செய்யப்பட்டு, விழிப்புணா்வு ஏற்படுத்தப்படுகிறது. இருப்பினும், ஒரு சில மனிதத் தவறுகளால் தொடா்ந்து விபத்துகள் நடைபெற்று வருகின்றன.

சிவகங்கை மாவட்டம், திருப்புவனம் அருகே நிகழ்ந்த காவல் நிலைய மரணம் குறித்து உரிய விசாரணை நடத்தப்படும். இந்தச் சம்பவத்தில் தவறு செய்தவா்கள் மீது உரிய நடவடிக்கை எடுக்கப்படும் என்றாா் அவா்.