நடிகர் சிம்பு நடிக்கும் அவரது 49-வது படத்தின் இசையமைப்பாளர் குறித்து தகவல் வெளியாகியுள்ளது.
நடிகர் சிம்புவிற்கு மாநாடு, வெந்து தணிந்தது காடு, பத்து தல என ஹாட்ரிக் ஹிட் அடித்தது. இதனைத் தொடர்ந்து நடிகர் கமல்ஹாசன் தயாரிப்பில் 48வது படத்தில் நடிக்க உள்ளார். இந்தப் படத்தை தேசிங்கு பெரியசாமி இயக்குவதாக அறிவிப்பு வெளியானது. ஆனால், இன்னும் படப்பிடிப்பு துவங்கவில்லை.
இதற்கிடையே, இயக்குநர் மணிரத்னம் - கமல்ஹாசன் கூட்டணியில் உருவாகும் தக் லைஃப் படத்தில் சிம்பு இணைந்தார். படப்பிடிப்பும் சமீபத்தில் முடிவடைந்தது.
இதையும் படிக்க: அஜித்தா இது? நம்பமுடியாத அளவுக்கு மாற்றம்!
தற்போது, பார்க்கிங் இயக்குநர் ராம்குமார் பாலகிருஷ்ணன் இயக்கத்தில் தன் 49-வது படத்தில் நடிக்க ஒப்பந்தமாகியுள்ளார்.
இப்படத்தின் படப்பிடிப்பு விரைவில் துவங்கவுள்ள நிலையில், படத்தின் இசையமைப்பாளராக சாய் அபயங்கர் ஒப்பந்தம் செய்யப்பட்டுள்ளதாகத் தகவல்கள் தெரிவிக்கின்றன.
சாய் அபயங்கர் இசையில் இன்னும் ஒரு படம்கூட வெளியாகாத நிலையில் சூர்யா - 45, பென்ஸ் ஆகிய படங்களுக்கு அவர் இசையமைத்து வருவது குறிப்பிடத்தக்கது.
