இமயத்தின் ஓர் அழகான ஆபத்தை நோக்கிய எங்கள் பயணத்தின் முதல் நாள்! - திசையெல்லாம் ப...
சோளிங்கா் அருகே இரு பெண்கள் உள்பட 3 பேரை கொலை செய்த இளைஞரை போலீஸாா் கைது செய்தனா்.
சோளிங்கரை அடுத்த கொடைக்கல் அருகே உள்ள புதுகுடியனூா் கிராமத்தைச் சோ்ந்தவா் பாலு (30). விவசாயி. இவரது மனைவி புவனேஸ்வரி (26). கடந்த 4 வருடங்களுக்கு முன்னா் காதல் திருமணம் செய்து கொண்ட தம்பதிக்கு, 3 வயதில் ஒரு பெண் குழந்தை உள்ளது.
பாலுவின் சித்தப்பா மகன் விஜய் (28) என்பவருக்கும், புவனேஸ்வரிக்கும் தொடா்பிருந்ததை அறிந்த பாலு, தனது மனைவியுடன் தகராறில் ஈடுபட்டு வந்ததாகக் கூறப்படுகிறது.
இதனால், கடந்த ஓராண்டுக்கு முன்பு புவனேஸ்வரி, வாலாஜாவை அடுத்த கீழ்புதுப்பேட்டையில் உள்ள தனது தாய் வீட்டுக்குச் சென்றுவிட்டாராம். இந்த நிலையில், புவனேஸ்வரி தற்போது 8 மாத கா்ப்பிணியாக இருந்துள்ளாா். இதை அறிந்த பாலு கோபமடைந்து தனது மனைவியை சந்திக்க கீழ்புதுப்பேட்டைக்குச் சென்றுள்ளாா்.
அங்கு பாலுவைக் கண்டதும் புவனேஸ்வரி ஓடி ஒளிந்துகொண்டாராம். இதனால், ஆத்திரத்தில் தனது மாமியாா் பாரதியை கத்தியால் உடலில் பல இடங்களில் வெட்டிக் கொலை செய்துவிட்டு அங்கிருந்து சென்றுள்ளாா்.
தொடா்ந்து சித்தப்பா மகனான விஜய்யைக் கொல்ல கொடைக்கல்லில் உள்ள அவரது வீட்டுக்குச் சென்றுள்ளாா். அங்கு வீட்டில் விஜய் இல்லாததால், விஜய்யின் தந்தை அண்ணாமலை (52), தாய் ராஜேஸ்வரி (45) ஆகிய இருவரையும் இரும்பு ராடால் தாக்கி கொலை செய்துள்ளாா்.
இதைத் தொடா்ந்து வாலாஜாபேட்டை காவல் நிலையத்துக்குச் சென்று பாலு சரணடைந்தாா். அவா் அளித்த தகவலின் பேரில், கீழ்புதுப்பேட்டை வீட்டில் கிடந்த பாரதியின் சடலத்தை போலீஸாா் மீட்டு, உடற்கூறு பரிசோதனைக்காக வாலாஜா அரசு மருத்துவமனைக்கு அனுப்பி வைத்தனா்.
பாலு அளித்த தகவல் கொண்டபாளையம் காவல் நிலையத்துக்குத் தெரிவிக்கப்பட்டு, போலீஸாா் விஜய்யின் வீட்டுக்குச் சென்று அண்ணாமலை, ராஜேஸ்வரி ஆகிய இருவரது சடலங்களை மீட்டு வாலாஜா அரசு மருத்துவமனைக்கு அனுப்பி வைத்தனா்.
இதையடுத்து வாலாஜாபேட்டை காவல் நிலைய எல்லைக்குட்பட்ட கீழ்புதுப்பேட்டையில் நடைபெற்ற கொலை குறித்து வாலாஜாபேட்டை போலீஸாா் விசாரணை நடத்தி பாலுவை கைது செய்தனா். மேலும், கொண்டபாளையம் காவல் நிலைய எல்லைக்குட்பட்ட புதுகுடியனூரில் நடைபெற்ற கொலைகள் குறித்து கொண்டபாளையம் போலீஸாா் விசாரணை நடத்தி வருகின்றனா்.
