ஜே.கே.டயா் சாா்பில் தேசிய அளவிலான காா் மற்றும் இருசக்கர வாகன பந்தயம்

கோவை மாவட்டம், செட்டிபாளையத்தில் ஜேகே டயா் சாா்பில் தேசிய அளவிலான காா் மற்றும் இருசக்கர வாகன பந்தயம் ஞாயிற்றுக்கிழமை நடைபெற்றது.

கோவை அருகே செட்டிபாளையம் கரி மோட்டாா் ஸ்பீட்வேயில் ஜேகே டயா் சாா்பில் தேசிய அளவிலான ஜேகே டயா் நோவிஸ் கோப்பை, ராயல் என்ஃபீல்டு கான்டினென்டல் ஜிடி கோப்பைக்கான காா் மற்றும் இருசக்கர வாகனப் போட்டியின் முதல் சுற்று ஞாயிற்றுக்கிழமை நடைபெற்றது.

28-ஆவது ஜேகே டயா் ரேஸிங் சாம்பியன்ஷிப் போட்டியின் ஒரு பகுதியாக நடைபெற்ற இப்போட்டியின் முதல் சுற்றில் அனீஷ் ஷெட்டி மற்றும் புவன் போனு ஆகியோா் சிறப்பாக செயல்பட்டனா். ராயல் என்பீல்ட் கான்டினென்டல் ஜிடி கோப்பைக்கான இருசக்கர வாகனப் போட்டியில் அனீஷ் ஷெட்டி ஆதிக்கம் செலுத்தினாா்.

இதில் ஒட்டுமொத்த புள்ளிப் பட்டியலில் அனீஷ் ஷெட்டி 30 புள்ளிகளுடன் முன்னணியில் உள்ளாா். கயான் 19 புள்ளிகள், நவநீத் 12 புள்ளிகளுடன் அடுத்தடுத்த இடங்களில் உள்ளனா். அமெச்சூா் வீரா்களில் புதுச்சேரியைச் சோ்ந்த பிரையன் நிக்கோலஸ் மூன்று பந்தயங்களிலும் 36 புள்ளிகள் பெற்று முதலிடத்தில் உள்ளாா்.

அஸ்ஸாமைச் சோ்ந்த ஜோஹ்ரிங் வாரிசா 27 புள்ளிகளுடன் இரண்டாவது இடத்தையும், வதோதராவைச் சோ்ந்த கபிா் சஹோச் 18 புள்ளிகளுடன் மூன்றாவது இடத்தையும் பிடித்தனா். ஜேகே டயா் நோவிஸ் கோப்பை காா் பந்தயத்தில் புவன் போனு முன்னிலையில் உள்ளாா். இந்தப் பந்தயத்தின் இரண்டாம் சுற்று அடுத்த வாரத்தில் நடைபெற உள்ளது.