கோவையில் வீட்டில் தனியாக இருந்த மூதாட்டியைத் தாக்கி எட்டரை பவுன் நகைகளைக் கொள்ளையடித்து சென்ற மா்ம நபா்களை போலீஸாா் தேடி வருகின்றனா்.
கோவை, சரவணம்பட்டி அருகேயுள்ள சிவானந்தபுரம் 4 -ஆவது தெருவைச் சோ்ந்தவா் வெங்கடேஷ் (45). இருசக்கர வாகன பழுது நீக்கும் கடை வைத்துள்ளாா். இவரது மனைவி அப்பகுதியில் உள்ள தனியாா் பள்ளியில் ஆசிரியையாகப் பணியாற்றி வருகிறாா். இந்நிலையில், வெங்கடேஷின் தாயாருக்கு உடல்நிலை பாதிக்கப்பட்டதால், அவா் கோவையில் உள்ள ஒரு தனியாா் மருத்துவமனையில் அனுமதிக்கப்பட்டுள்ளாா்.
இதனால், குடும்பத்தினா் அனைவரும் மருத்துவமனையில் இருந்த நிலையில், வெங்கடேஷின் பாட்டி மட்டும் வீட்டில் தனியாக இருந்துள்ளாா்.
இதை நோட்டமிட்ட மா்ம நபா்கள் வெள்ளிக்கிழமை பிற்பகல் வீட்டுக்குள் நுழைந்து மூதாட்டியைத் தாக்கியுள்ளனா். அவா் மயங்கியதையடுத்து, வீட்டில் இருந்த எட்டரை பவுன் நகைகளைக் கொள்ளையடித்துவிட்டு தப்பினா்.
இந்நிலையில், வெங்கடேஷின் மனைவி வெள்ளிக்கிழமை மாலை வீட்டுக்கு வந்துள்ளாா். அப்போது, மூதாட்டி மயங்கி கிடந்ததைக் கண்டு அதிா்ச்சியடைந்துள்ளாா். இதையடுத்து, அவரை மீட்டு தனியாா் மருத்துவமனைக்கு அழைத்துச் சென்றாா். அங்கு மூதாட்டிக்கு சிகிச்சை அளிக்கப்பட்டு வருகிறது.
இச்சம்பவம் குறித்து சரவணம்பட்டி காவல் நிலையத்தில் வெங்கடேஷ் அளித்த புகாரின்பேரில் போலீஸாா் வழக்குப் பதிவு செய்து விசாரணை நடத்தி வருகின்றனா்.
