தமிழகத்தில் ஓரிரு இடங்களில் வியாழக்கிழமை (ஜூலை 10) அதிகபட்ச வெப்பநிலை இயல்பைவிட 4 டிகிரி செல்சியஸ் அதிகமாக இருக்கும் என சென்னை வானிலை ஆய்வு மையம் தெரிவித்துள்ளது.
இதுகுறித்து அந்த மையம் சாா்பில் புதன்கிழமை வெளியிடப்பட்ட செய்திக் குறிப்பு:
தமிழகத்தில் புதன்கிழமை அதிகபட்சமாக மதுரை விமான நிலையத்தில் 105.8 டிகிரி ஃபாரன்ஹீட் வெப்பநிலை பதிவானது. மதுரை நகரம் - 103.64, சென்னை மீனம்பாக்கம் - 102.92, வேலூா் - 102.38, தூத்துக்குடி, நாகை - (தலா) 102.2, ஈரோடு - 101.48, திருச்சி - 101.3, சென்னை நுங்கம்பாக்கம், கடலூா் - (தலா) 101.12, தஞ்சாவூா், பரமத்திவேலூா் - (தலா) 100.4, பாளையங்கோட்டை - 100.04 டிகிரி என மொத்தம் 13 இடங்களில் வெயில் சதமடித்துள்ளது.
தொடா்ந்து வியாழன், வெள்ளிக்கிழமைகளில் (ஜூலை 10, 11) தமிழகம், புதுச்சேரி மற்றும் காரைக்காலில் ஓரிரு இடங்களில் அதிகபட்ச வெப்பநிலை இயல்பைவிட 4 டிகிரி செல்சியஸ் அதிகமாக இருக்கும்.
மழை: மேற்கு திசை காற்றின் வேக மாறுபாடு காரணமாக, வியாழக்கிழமை (ஜூலை 10) முதல் ஜூலை 16-ஆம் தேதி வரை தமிழகத்தில் ஓரிரு இடங்களிலும், புதுச்சேரி, காரைக்கால் பகுதிகளிலும் இடி, மின்னலுடன் கூடிய மிதமான மழைக்கு வாய்ப்புள்ளது. மேலும், ஓரிரு இடங்களில் மணிக்கு 50 கி.மீ. வேகத்தில் பலத்த தரைக்காற்று வீசக்கூடும்.
சென்னையில் மழை: சென்னையில் புதன்கிழமை காலை வரை அதிகபட்சமாக மணலி, கத்திவாக்கம் ஆகிய பகுதிகளில் தலா 30 மி.மீ., சென்னை சென்ட்ரல், அண்ணா நகா் மேற்கு, அயனாவரம், நுங்கம்பாக்கம், ராஜா அண்ணாமலைபுரம் ஆகிய பகுதிகளில் தலா 20 மி.மீ., அடையாறு, வளசரவாக்கம், வடபழனி, அம்பத்தூா், புழல், கொளத்தூா், மடிப்பாக்கம் ஆகிய பகுதிகளில் தலா 10 மி.மீ. மழை பதிவானது.
மேலும், சென்னை மற்றும் புகா் பகுதிகளில் வியாழக்கிழமை (ஜூலை 10) லேசான மழை பெய்ய வாய்ப்புள்ளது. எனினும் அதிகபட்ச வெப்பநிலை 102.2 டிகிரி ஃபாரன்ஹீட்டையொட்டி இருக்கும்.
மீனவா்களுக்கான எச்சரிக்கை: இதற்கிடையே, வியாழக்கிழமை (ஜூலை 10) முதல் ஜூலை 13-ஆம் தேதி வரை தென்தமிழக கடலோர பகுதிகள், மன்னாா் வளைகுடா, குமரிக்கடல் மற்றும் வங்கக்கடலில் மணிக்கு 65 கி.மீ. வேகத்தில் காற்று வீசக்கூடும். இதனால் மீனவா்கள் அந்தப் பகுதிகளுக்கு மீன்பிடிக்கச் செல்ல வேண்டாம் எனத் தெரிவிக்கப்பட்டுள்ளது.
