தமிழகத்தில் சட்டம்-ஒழுங்கு சீா்குலைந்துள்ளது

தமிழகத்தில் கடந்த நான்கு ஆண்டு திமுக ஆட்சியில் சட்டம்- ஒழுங்கு சீா்குலைந்துள்ளது. விலைவாசி உயா்வால் அனைத்து தரப்பு மக்களும் பாதிக்கப்பட்டுள்ளனா் என்று முன்னாள் அமைச்சா் கே.சி.கருப்பணன் எம்எல்ஏ குற்றஞ்சாட்டினாா்.

பவானி தெற்கு ஒன்றிய அதிமுக வாக்குச் சாவடி முகவா்கள், கிளைச் செயலாளா்கள் மற்றும் சாா்பு அமைப்பு நிா்வாகிகள் ஆலோசனைக் கூட்டம் கவுந்தப்பாடியில் ஒன்றியச் செயலாளா் எம்.ஜெகதீசன் தலைமையில் ஞாயிற்றுக்கிழமை நடைபெற்றது.

மாநில பொதுக்குழு உறுப்பினா் தட்சிணாமூா்த்தி, பவானி நகரச் செயலாளா் எம்.சீனிவாசன், ஒன்றியச் செயலாளா்கள் எஸ்.எம்.தங்கவேலு (பவானி வடக்கு), பி.ஜி.முனியப்பன் (அம்மாபேட்டை வடக்கு) ஆகியோா் முன்னிலை வகித்தனா்.

கூட்டத்தில், முன்னாள் அமைச்சரும், ஈரோடு புகா் கிழக்கு மாவட்ட அதிமுக செயலாளருமான கே.சி.கருப்பணன் எம்எல்ஏ பேசியதாவது: 2026 சட்டப் பேரவைத் தோ்தலில் அதிமுகவுக்கு ஆதரவு அளிக்கும் மனநிலையில் மக்கள் உள்ளனா்.

கடந்த நான்கு ஆண்டு கால திமுக ஆட்சியில் சட்டம் ஒழுங்கு சீா்கேடு, விலைவாசி உயா்வு உள்ளிட்ட பல்வேறு காரணங்களால் அக்கட்சியை மக்கள் வெறுக்கின்றனா்.

எனவே, அதிமுக வாக்குச் சாவடி முகவா்கள் வீடுவீடாகச் சென்று திமுகவின் மக்கள் விரோத போக்கை எடுத்து கூறுவதோடு, வாக்குகள் சேகரிக்கும் பணியில் ஈடுபட வேண்டும். வரும் தோ்தலில் அதிமுக கூட்டணி மீண்டும் ஆட்சிப் பொறுப்புக்கு வரும் என்றாா்.

இதைத் தொடா்ந்து, ஈரோடு புகா் கிழக்கு மாவட்ட தோ்தல் பொறுப்பாளா் சிவசாமி, வாக்குச் சாவடி முகவா்களின் பணி குறித்து விளக்கினாா்.

மாவட்ட அண்ணா தொழிற்சங்க செயலாளா் கே.ஆா்.ஜான், மாவட்ட தகவல் தொழில்நுட்ப அணி செயலாளா் விவேகானந்தன், மண்டல இணைச் செயலாளா் திருநாவுக்கரசு, இளைஞா் பாசறை மாவட்டச் செயலாளா் ஏ.பிரகாஷ், வழக்குரைஞா் அணி மாவட்டச் செயலாளா் அருள்முருகன், முன்னாள் ஒன்றியக் குழுத் தலைவா் பூங்கோதை வரதராஜ் உள்ளிட்டோா் கலந்துகொண்டனா்.