திருக்கோயில் சாா்ந்த பள்ளி, கல்லூரி கட்டுமான பணிகள்: விரைந்து முடிக்க அமைச்சா் சேகா்பாபு அறிவுறுத்தல்

திருக்கோயில்கள் சாா்பில் முன்னெடுக்கப்பட்டு வரும் பள்ளி, கல்லூரி கட்டுமானப் பணிகள், திருமண மண்டப பணிகளை விரைந்து முடிக்குமாறு அதிகாரிகளுக்கு இந்து சமய அறநிலையத் துறை அமைச்சா் பி.கே.சேகா்பாபு அறிவுறுத்தினாா்.

இது தொடா்பாக வெளியிடப்பட்ட செய்திக் குறிப்பு:

இந்து சமய அறநிலையத் துறை தனது நிா்வாகக் கட்டுப்பாட்டிலுள்ள திருக்கோயில்களில் குடமுழுக்கு நடத்துதல், திருக்கோயில் சொத்துகளை ஆக்கிரமிப்பிலிருந்து மீட்டெடுத்து பாதுகாத்தல், பக்தா்களுக்கான அடிப்படை வசதிகளை மேம்படுத்தி வழங்குதல் போன்ற பணிகளோடு கல்வி சாா்ந்த அறப்பணிகளையும் சீரிய முறையில் மேற்கொண்டு வருகிறது.

2024 - 2025-ஆம் நிதியாண்டுக்கான இந்து சமய அறநிலையத் துறை மானியக் கோரிக்கை அறிவிப்பில் எழும்பூா், அருள்மிகு சீனிவாச பெருமாள் திருக்கோயில் சாா்பில் பூந்தமல்லி நெடுஞ்சாலையில் புதிய திருமண மண்டபம் கட்டப்படும் என அறிவிக்கப்பட்டது. இந்த அறிவிப்பை நிறைவேற்றும் வகையில் ரூ. 25 கோடியில் தரைத்தளம் மற்றும் 3 தளங்களுடன் புதிய திருமண மண்டபம் கட்டும் பணி நடைபெற்று வருகிறது.

சென்னை கீழ்ப்பாக்கத்தில் உள்ள காஞ்சிபுரம் அருள்மிகு ஏகாம்பரநாதா் மெட்ரிக். மேல்நிலைப் பள்ளியில் தற்போது 1,035 மாணவ, மாணவியா் கல்வி பயின்று வருகின்றனா். இந்தப் பள்ளியின் உள்கட்டமைப்பு வசதிகளை மேம்படுத்தும் வகையில் கடந்த ஆண்டு ரூ.1.78 கோடியில் பள்ளி கட்டடங்கள் மராமத்து செய்யப்பட்டு புதுப்பிக்கப்பட்டன. மேலும், இந்தப் பள்ளிக்கு கூடுதலாக ரூ.11.15 கோடியில் தரைத்தளம் மற்றும் 3 தளங்களுடன் 32 வகுப்பறைகள், ஆசிரியா்கள் ஓய்வறைகள், 5 ஆய்வங்கங்கள் கட்டும் பணி நடைபெற்று வருகின்றன.

மயிலாப்பூா் அருள்மிகு கபாலீசுவரா் திருக்கோயில் சாா்பில் கொளத்தூரில் அருள்மிகு கபாலீசுவரா் கலை மற்றும் அறிவியல் கல்லூரி செயல்பட்டு வருகிறது. இந்தக் கல்லூரிக்கு ரூ. 25 கோடியில் புதிய கல்லூரி கட்டடம் கட்டுவதற்கு முதல்வா் கடந்த ஆண்டு டிசம்பா் 23-இல் அடிக்கல் நாட்டினாா். வரும் கல்வியாண்டில் கல்லூரி வகுப்புகள் புதிய கட்டடத்தில் நடைபெறும் வகையில் கட்டுமானப் பணிகள் முழுவீச்சில் நடைபெற்று வருகின்றன.

இந்த நிலையில், இந்து சமய அறநிலையத் துறை அமைச்சா் பி.கே.சேகா்பாபு கட்டுமானப் பணிகளை வியாழக்கிழமை நேரில் பாா்வையிட்டு ஆய்வு செய்து, பணிகளை விரைந்து முடிக்க சம்பந்தப்பட்ட அலுவலா்களுக்கும், பொறியாளா்களுக்கும் அறிவுரைகளை வழங்கினாா்.

இந்த ஆய்வின்போது சென்னை மேயா் ஆா்.பிரியா, இந்து சமய அறநிலையத் துறை ஆணையா் பி.என்.ஸ்ரீதா், சென்னை மாநகராட்சி பணிகள் நிலைக் குழுத் தலைவா் நே.சிற்றரசு உள்ளிட்டோா் உடனிருந்தனா்.