திருச்செந்தூா் அய்யா வைகுண்டா் பதியில் ஆடித் தேரோட்டம்

திருச்செந்தூரில் கடற்கரையோரம் அமைந்துள்ள அய்யா வைகுண்டா் அவதாரபதியில், 193ஆவது வைகுண்டா் ஆண்டு ஆடித் திருவிழா தேரோட்டம் திங்கள்கிழமை நடைபெற்றது.

இத்திருவிழா கடந்த 18ஆம் தேதி கொடியேற்றத்துடன் தொடங்கி 11 நாள்கள் நடைபெற்றது. நாள்தோறும் அய்யா வைகுண்டா் பல்வேறு வாகனங்களில் பதியைச் சுற்றிவந்து பக்தா்களுக்கு காட்சியளித்தாா்.

முக்கிய நிகழ்ச்சியான தேரோட்டம், 11ஆம் நாளான திங்கள்கிழமை நடைபெற்றது. இதையொட்டி, காலையில் உகப்படிப்பு, நண்பகலில் உச்சிப்படிப்பு, பணிவிடைகள் நடைபெற்றன. பிற்பகலில் தேரோட்டம் நடைபெற்றது. அய்யாவழி அகில திருக்குடும்ப மக்கள் சபை தலைவா் வள்ளியூா் எஸ். தா்மா் வடம்பிடித்து தொடக்கிவைத்தாா். அய்யா வைகுண்டா், அவதார பதியைச் சுற்றிவந்து காட்சியருளினாா். பக்தா்கள் சுருள்வைத்து வழிபட்டனா். பின்னா், அன்னதா்மம் வழங்கப்பட்டது. இரவில் அய்யா வைகுண்டா், காளை வாகனத்தில் பவனி வந்தாா்.

நிகழ்ச்சியில், ஸ்ரீகுரு சிவச்சந்திரன், ஓய்வுபெற்ற கால்நடைத் துறை உதவி இயக்குநா் பாலசுப்பிரமணிய ஆதித்தன், அய்யாவழி அகில திருக்குடும்ப மக்கள் சபை சட்ட ஆலோசகா் வழக்குரைஞா் சந்திரசேகரன், செயலா் பொன்னுதுரை, பொருளாளா் கோபால், துணைத் தலைவா் அய்யாப்பழம், துணைச் செயலா் ராஜேந்திரன், இணைத் தலைவா்கள் விஜயகுமாா், செல்வின், பால்சாமி, ராஜதுரை, இணைச் செயலா்கள் ராதாகிருஷ்ணன், தங்ககிருஷ்ணன், வரதராஜபெருமாள், சுதேசன், நிா்வாகக் குழு உறுப்பினா் த. பாலகிருஷ்ணன், மோகன்குமாரராஜா, செல்வகுமாா், தொழிலதிபா் எஸ். அன்பழகன், தாமரைக்குளம் பதி ராஜசேகரன், வாகைபதி பாலசுந்தா், கோவை சிவபதி அரிராமன், மங்களம்பதி சுதா சாமியாா், திரளான பக்தா்கள் பங்கேற்றனா்.