திருநெல்வேலி காங்கிரஸ் மாநாட்டில் திரளாக பங்கேற்க வேண்டும்: கே.வி.தங்கபாலு

வாக்கு திருட்டை கண்டித்து, தமிழக காங்கிரஸ் கமிட்டி சாா்பில் திருநெல்வேலியில் வரும் 7 ஆம் தேதி நடைபெறும் மாநாட்டில் திரளாக பங்கேற்க வேண்டும் என முன்னாள் மத்திய அமைச்சா் கே.வி. தங்கபாலு தெரிவித்தாா்.

சேலம் மாவட்ட ஒருங்கிணைந்த காங்கிரஸ் கட்சி சாா்பில் முள்ளுவாடி கேட் காங்கிரஸ் கட்சி அலுவலகத்தில் புதன்கிழமை நடைபெற்ற கூட்டத்துக்கு மாநகா் மாவட்டத் தலைவா் ஏ.ஆா்.பி. பாஸ்கா் தலைமை தாங்கினாா். இதில் சிறப்பு அழைப்பாளராக முன்னாள் மத்திய அமைச்சா் கே.வி.தங்கபாலு பங்கேற்றாா்.

அப்போது, அவா் பேசுகையில், மக்களின் வாக்கு உரிமையைப் பறித்து, ஆட்சியிலிருக்கும் பாஜகவால் ஜனநாயகம் கேள்விகுறியாகியுள்ளது. எனவே, திருநெல்வேலியில் வரும் 7 ஆம் தேதி வாக்குத் திருட்டு குறித்து மக்களிடம் எடுத்துக்கூறும் வகையில் நடைபெறும் மாநாட்டில் திரளாக கலந்துகொள்ள வேண்டும் என்றாா்.

கூட்டத்தில் சேலம் மேற்கு மாவட்டத் தலைவா் ஜெயக்குமாா், கிழக்கு மாவட்டத் தலைவா் அா்த்தனாரி, மாநகா் மாவட்ட பொறுப்பாளா் செழியன், மாநகர பொருளாளா் தாரை ராஜகணபதி, வா்த்தக பிரிவு தலைவா் எம்.டி. சுப்பிரமணியம், துணை மேயா் சாரதா தேவி, மாநகர துணை தலைவா்கள் திருமுருகன், மொட்டையாண்டி, மண்டல தலைவா்கள் சாந்தமூா்த்தி, நிஷாா் அகமது, ராமன் உள்ளிட்டோா் கலந்துகொண்டனா்.