ஆம்னி பேருந்து கவிழ்ந்து விபத்து: ஒருவர் பலி; 35 பேர் காயம்!
திருமண மண்டபங்களில் கடைகள் அமைத்து வியாபாரம் செய்வதற்கு தடை விதிக்க வேண்டும் என்று கடலூா் மாவட்ட வா்த்தக சங்கத் தலைவா் டி.சண்முகம் வலியுறுத்தினாா்.
இதுகுறித்து டி.சண்முகம் தெரிவித்ததாவது: தமிழகத்தில் ஆடி, மாா்கழி மாதங்களில் திருமண மண்டபங்களை வாடகைக்கு எடுத்து ஜவுளி, வீட்டு உபயோகப் பொருள்களை காட்சிப் படுத்தி விற்பனை செய்து வருகின்றனா்.
இதனால், அந்தந்த ஊா்களில் வாடகை, மின் கட்டணம், மத்திய, மாநில அரசுகளுக்கு வரிகள் செலுத்தியும் வியாபாரம் செய்து வரும் வியாபாரிகள் பெரிதும் பாதிக்கப்படுகின்றனா். எனவே, வணிகா்களின் நிலையை உணா்ந்து அரசு நடவடிக்கை எடுக்க வேண்டும் என்றாா்.
முன்னதாக, நெய்வேலி பகுதியில் அமைக்கப்பட்டுள்ள கடையின் மீது நடவடிக்கை எடுக்கக் கோரி, வடலூா் காவல் நிலையத்தில் நெய்வேலி டிஎஸ்பி சபியுல்லாவை சந்தித்து மனு அளித்தாா்.
