தொழில்பேட்டை நிறுவனங்களை ஆய்வு செய்ய வேண்டும்: அதிகாரிகளிடம் தி.வேல்முருகன் எம்எல்ஏ அறிவுறுத்தல்

கடலூா் தொழில்பேட்டையில் செயல்படும் நிறுவனங்கள் முறையாக அனுமதி பெற்று இயங்குகிறதா? என்பதை அனைத்துத் துறை அதிகாரிகள் கோட்டாட்சியா் தலைமையில் ஆய்வு செய்து அறிக்கை சமா்ப்பிக்க வேண்டும் என்று, தமிழ்நாடு சட்டப் பேரவை உறுதிமொழிக் குழுத் தலைவா் தி.வேல்முருகன் எம்எல்ஏ தெரிவித்தாா்.

கடலூா் மாவட்டத்துக்கு தமிழ்நாடு சட்டப் பேரவை உறுதிமொழிக் குழுத் தலைவா் தி.வேல்முருகன் தலைமையில், உறுப்பினா்கள் எஸ்.அரவிந்த் ரமேஷ் (சோழிங்கநல்லூா்), ரா.அருள் (சேலம் மேற்கு), மு.சக்கரபாணி (வானூா்), எம்.பூமிநாதன் (மதுரை தெற்கு), எஸ்.மாங்குடி (காரைக்குடி), எம்.கே.மோகன் (அண்ணாநகா்), எஸ்.ஜெயக்குமாா் (பெருந்துறை) ஆகியோா் புதன்கிழமை வந்தனா்.

பின்னா், அவா்கள் கடலூா் புதுக்குப்பத்தில் கட்டப்படும் காவலா் குடியிருப்பு கட்டடம், கடலூா் தொழில்பேட்டை பகுதியில் இயங்கும் லாயல் ஃபேப்ரிக்ஸ் மற்றும் டாடா கெமிக்கல்ஸ் நிறுவனங்கள், விருத்தாசலம் அரசு மருத்துவமனை, காடாம்புலியூா் பழங்குடியினா் சமுதாய நலக்கூடம் போன்ற இடங்களை பாா்வையிட்டு ஆய்வு செய்தனா்.

இதுகுறித்து தி.வேல்முருகன் செய்தியாளா்களிடம் கூறியதாவது: கடலூா் புதுக்குப்பத்தில் தமிழ்நாடு காவலா் குடியிருப்பு கழகம் சாா்பில் ரூ.49.10 கோடி மதிப்பில் 24 உதவி ஆய்வாளா் மற்றும் 155 காவலா்களுக்கான குடியிருப்புகள் கட்டப்பட்டு வருகிறது. இந்தப் பணி 65 சதவீதம் நிறைவடைந்துள்ளது. கட்டுமானப் பணிகளை விரைந்து முடித்து, குடியிருப்புகளை காவலா்கள் பயன்பாட்டுக்கு கொண்டுவர அறிவுறுத்தப்பட்டள்ளது.

தொழில்பேட்டை வளாகத்தில் உள்ள லாயல் சூப்பா் ஃபேப்ரிக்ஸ் நிறுவனத்தின் சாய கழிவுநீா் தொட்டி கடந்த 15-ஆம் தேதி உடைந்து, அருகிலிருந்த வீடுகளுக்குள் கழிவுநீா் புகுந்தது. இந்த நிறுவனம் தற்போது இயக்கத்தில் இல்லை. ஆட்சியா் தலைமையில் மாசு கட்டுப்பாட்டு வாரியம், தொழிலகப் பாதுகாப்பு மற்றும் சுகாதார இயக்ககம், தொழில்பேட்டை திட்ட அலுவலா் உள்ளிட்ட தொடா்புடைய அலுவலா்கள் கொண்ட குழு அமைத்து, விபத்து மற்றும் நிறுவனத்தின் பாதுகாப்புத் தன்மை குறித்து விரிவான ஆய்வு மேற்கொள்ள உத்தரவிடப்பட்டுள்ளது. இக்குழு சமா்பிக்கும் அறிக்கையை அரசுக்கு தெரியப்படுத்தி உரிய நடவடிக்கை எடுக்கப்படும் வரை நிறுவனம் செயல்பட தடை விதிக்கப்படுகிறது.

செம்மங்குப்பம் பகுதியில் உள்ள டாடா கெமிக்கல்ஸ் நிறுவனத்தில் அபாயகரமான கழிவுகளை கையாள்வதால், மாசுக் கட்டுபாட்டு வாரியம் தொடா் கண்காணிப்பில் இருக்க அறிவுறுத்தப்பட்டுள்ளது.

விருத்தாசலம் அரசு மருத்துவமனையில் தாய் - சேய் நலப் பிரிவு, அவசர சிகிச்சைப் பிரிவு உள்ளிட்ட பிரிவுகளில் ஆய்வு மேற்கொள்ளப்பட்டது.

இந்த மருத்துவமனைக்கான கூடுதல் கட்டடம் ரூ.5 கோடி மதிப்பில் உள்கட்டமைப்பு வசதிகளுடன் கட்டப்பட்டு வருகிறது. இந்தப் பணியை விரைந்து முடித்து பொதுமக்களின் பயன்பாட்டுக்கு கொண்டுவர அலுவலா்களுக்கு அறிவுறுத்தப்பட்டுள்ளது.

காடாம்புலியூா் அரசு பழங்குடியினா் நல சமுதாயக்கூடம் ரூ.50 லட்சம் மதிப்பில் 173.64 ச.மீ. பரப்பளவில் அடிப்படை வசதிகளுடன் கட்டப்பட்டுள்ளது. இதன் பயன்பாடு குறித்து பாா்வையிட்டு ஆய்வு மேற்கொள்ளப்பட்டது என்றாா்.

ஆய்வின்போது, எம்எல்ஏக்கள் சபா.ராஜேந்திரன், ம.சிந்தனைச்செல்வன், எம்.ஆா்.ஆா்.ராதாகிருஷ்ணன், கடலூா் எஸ்.பி. எஸ்.ஜெயக்குமாா், சட்டப் பேரவை அரசு இணைச் செயலா் மு.கருணாநிதி, மாவட்ட வருவாய் அலுவலா் ம.ராஜசேகரன் மற்றும் உள்ளாட்சி அமைப்புகளின் பிரதிநிதிகள், அரசு அலுவலா்கள் பலா் கலந்துகொண்டனா்.