நாகை சிறுமி மர்மச் சாவு? ஆட்சியர் அலுவலகத்தில் பெற்றோர் போராட்டம்; ஜன்னலில் எட்டிப் பார்த்த கலெக்டர்

கடலூர் மாவட்டம் வடலூரைச் சேர்ந்தவர் 16 வயது சிறுமி. இவர் இளைஞர் ஒருவரைக் காதல் திருமணம் செய்து கொண்டதாகச் சொல்லப்படுகிறது.

இந்த நிலையில் இருவரும் ரயில் மூலம் வேளாங்கண்ணிக்குச் சென்றுள்ளனர். இதில் வேளாங்கண்ணி அருகே ரயிலிலிருந்து கீழே விழுந்த அந்த சிறுமி ரயிலில் அடிப்பட்டு உயிரிழந்தார்.

சிறுமியுடன் வந்தவர் இது குறித்து தகவல் தெரிவிக்காமல் தலைமறைவாகி விட்டதாகச் சொல்கிறார்கள்.

இறந்தவர் குறித்த எந்த விபரமும் தெரியாததால், யாரும் அவரைத் தேடி வராததால் போலீஸாரே இறுதிச்சடங்கைச் செய்து அடக்கம் செய்து விட்டனர்.

இந்த நிலையில் சிறுமியின் பெற்றோர் வேளாங்கண்ணி காவல் நிலையத்துக்கு வந்து தங்கள் மகளைக் காணவில்லை எனப் புகார் அளித்துள்ளனர்.

அதற்கு போலீஸார் மகளின் போட்டோ குறித்த விவரங்கள் கேட்டுள்ளனர்.

இதையடுத்து போட்டோ உள்ளிட்ட விவரங்களை எடுத்து வந்த போது காவல் நிலையத்தில் ரயிலில் அடிப்பட்டு உயிரிழந்ததாக தங்கள் மகள் போட்டோ ஒட்டப்பட்டிருந்ததைக் கண்டு அதிர்ச்சியடைந்து கதறினர்.

அப்போது தங்கள் மகள் சாவில் மர்மம் இருப்பதாகக் கூறினர். மேலும் இது தொடர்பாகச் சில தினங்களுக்கு முன்பு நாகப்பட்டினம் மாவட்ட ஆட்சியர் அலுவலகம் சென்று ஆட்சியர் ஆகாஷிடம் மனு அளிக்கச் சென்றுள்ளனர்.

அலுவலகத்திலிருந்த மாவட்ட ஆட்சியர் அவர்களைச் சந்திக்கவில்லை. அப்போது ஆட்சியர் அலுவலகத்தில் அமர்ந்து சிறுமியின் உறவினர்கள் போராட்டம் நடத்தினர்.

"எங்க பொண்ணு பேண்டை கழட்டி கொண்டா சாவாள்" என்று கத்திக்கொண்டே கதறினர். இதை ஜன்னலிலிருந்து பார்த்த மாவட்ட ஆட்சியர் ஆகாஷ் உறவினர்களை அழைத்து என்னவென்று கூட கேட்கவில்லை. இது தொடர்பான வீடியோ தற்போது சமூக வலைத்தளங்களில் வரலாகி வருகிறது.

மகள் மர்மமான முறையில் இறந்திருக்கிறார். அவரது இறப்புக்கான காரணம் தெரியாமல் அந்த பெற்றோர் தவித்துக் கதறிய சூழலிலும் மாவட்ட ஆட்சியர் என்னவென்று கூட விசாரிக்காமல் அலட்சியமாக நடந்து கொண்டதாகப் பலரும் இதை விமர்சனம் செய்கின்றனர்.

இந்த நிலையில் சிறுமியின் இறப்புக்குக் காரணம் என்ன, அவரை யாராவது ரயிலிலிருந்து தள்ளி விட்டார்களா, திருமணம் செய்து கொண்டவர் ஏன் இதை போலீஸில் சொல்லவில்லை எனப் பல கோணங்களில் போலீஸார் விசாரணை நடத்தி வருகின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs