மாற்றுத்திறனாளிகள் நலன் குறித்து விளக்க விழிப்புணா்வு வாகனம்: ஆட்சியா் தொடக்கி வ...
வாணியம்பாடி: நாட்டறம்பள்ளி பேரூராட்சி சந்தை ஏலம் மாா்ச் 27-ஆம் தேதிக்கு ஒத்திவைக்கப்பட்டுள்ளது.
பணந்தோப்பில் நடைபெறும் வாரச் சந்தையில் சுங்க கட்டணம் வசூல் செய்ய பேரூராட்சி நிா்வாகத்தின் மூலம் 3 ஆண்டுகளுக்கு ஒருமுறை ஏலம் விடப்படுகிறது.
2025-2026-2027-ஆம் ஆண்டுக்கான வாரச்சந்தை ஏலம் பேரூராட்சி அலுவலகத்தில் திங்கள்கிழமை காலை நடைபெற்றது. செயல் அலுவலா் கலையரசி (பொ) தலைமை வகித்தாா். மாவட்ட ஊராட்சித் தலைவா் சூரியகுமாா் மற்றும் வாா்டு உறுப்பினா்கள் முன்னிலை வகித்தனா். ஏலத்தில் 46 போ் வைப்புத் தொகையாக தலா ரூ.1.25 லட்சம் செலுத்தி ஏலத்தில் கலந்து கொண்டனா்.
அப்போது நடக்கவிருந்த ஏலம் நிா்வாக காரணங்களால் ஒத்திவைக்கப்படுகிறது என்றும், மீண்டும் வரும் 27-ஆம் தேதி வியாழக்கிழமை ஏலம் நடைபெறும் என செயல் அலுவலா் கலையரசி கூறினாா்.
