கிருஷ்ணகிரி: கிருஷ்ணகிரி மாவட்டத்தில் கூட்டுறவு சங்கங்களால் நடத்தப்படும் நியாயவிலைக் கடைகளில் காலியாக உள்ள விற்பனையாளா்களுக்கான தோ்வு பட்டியல் வெளியிடப்பட்டுள்ளது.
இதுகுறித்து, கிருஷ்ணகிரி மாவட்ட ஆள்சோ்ப்பு நிலைய இணைப்பதிவாளா் கோ.நடராஜன் ஞாயிற்றுக்கிழமை வெளியிட்ட செய்திக் குறிப்பு:
கிருஷ்ணகிரி மாவட்டத்தில் கூட்டுறவு சங்க பதிவாளரின் கட்டுப்பாட்டில் உள்ள கூட்டுறவு சங்கங்களால் நடத்தப்படும் நியாயவிலைக் கடைகளில் காலியாக உள்ள 117 விற்பனையாளா் பணியிடங்களுக்கு நேரடி நியமனம் மூலம் ஆட்களை நிரப்புவதற்கு மாவட்ட ஆள்சோ்ப்பு நிலையத்தால் ட்ற்ற்ல்//ஜ்ஜ்ஜ்.க்ழ்க்ஷந்ழ்ண்ள்ட்ய்ஹஞ்ண்ழ்ண்.ய்ங்ற் என்ற இணையதளம் வழியாக 6,210 விண்ணப்பங்கள் பெறப்பட்டன.
இதில், தகுதியான விண்ணப்பதாரா்களுக்கான, நோ்முகத் தோ்வு 25.11.2024 முதல் 3.12.2024-ஆம் தேதி வரையில் நடைபெற்றது. இதில், தற்காலிகமாக விற்பனையாளா் பதவிக்குத் தோ்வு செய்யப்பட்ட 117 தோ்வாளா்களின் பட்டியலை கிருஷ்ணகிரி மாவட்ட ஆள்சோ்ப்பு நிலையத்தின் ட்ற்ற்ல்://ஜ்ஜ்ஜ்.க்ழ்க்ஷந்ழ்ண்ள்ட்ய்ஹஞ்ண்ழ்ண்.ய்ங்ற் என்ற இணையதளம் வழியாக வெளியிடப்பட்டுள்ளதாக அதில், அவா் தெரிவித்துள்ளாா்.
