நீ மொத மொதல்ல பேச ஆரம்பிச்சியே, அன்னைக்கே நாம நண்பர்கள் தா! - அப்பாவின் கடிதம் | #உறவின்கடிதம்

வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் ‘My Vikatan’ முன்னெடுப்பு இது. இந்தக் கட்டுரையில் இடம்பெற்றுள்ள கருத்துகள் அனைத்தும், கட்டுரையாளரின் தனிப்பட்ட கருத்துகள். விகடன் தளத்தின் கருத்துகள் அல்ல - ஆசிரியர்

அன்பு மகன் ஜீவாவிற்கு உன் அன்பை என் இறுதிவரை பெற்றுக் கொண்டிருக்க விரும்பும் உன் அப்பா எழுதுவது , நீ உனக்காகவும் எனக்காகவும் இந்த பூமிக்கு வந்து , இன்றோடு 12 வருஷம் ஆகப்போகுது . ஏதோ கண்ண மூடி ஒரு குட்டி கனவு கண்ட மாதிரி இருக்கு , வாழ்க்கை எனக்கு இப்படி வேகமாக கடந்து போனதில்ல இதுக்கு முன்னாடி .

சந்தோஷம் வேகமாகவும், துன்பமும் சோகமும் நிதானமாகதான் கடந்து போகும் போல வாழ்க்கையில , அதுக்காக இப்போ நமக்கு சந்தோஷம் மட்டும்தான் இருக்குன்னு சொல்ல வரல , என்னோட வாழ்க்க ஒரு சபிக்கப்பட்டது என்று பல தடவ உணர்ந்து இருக்கேன் , நான் எப்பவும் சந்தோஷமா இருந்தது இல்ல எப்பவும் என்ன சுற்றி ஏதாவது ஒரு பிரச்சனை இருந்துட்டே இருக்கும் , ஒன்னு தானா வரும் , இல்ல நானாகவே உருவாகிட்டதா இருக்கும் , அந்த மாதிரி பல தடவ மனசு உடைஞ்சு நொறுங்கும்போது உன்னோட முகமும் , நா இருக்கிறேன்பா உனக்கு என்ற வார்த்தையும் , எல்லாத்தையும் மறக்கடிச்சு இருக்கு .

நா யாரையும் கேட்டு போனம்னு நெனச்சதில்ல , எல்லாம் நல்லா இருக்கணும்னு தான் நினைப்பேன் , அப்படி இருந்தாலும் யாரும் என் கூட ரொம்ப நாள் இருந்ததில்ல , உன்ன தவிர . இப்ப தோல் வரைக்கும் வளந்துட்ட , அதனால மட்டும் நீ என் தோழன் இல்ல , என்னைக்கு நீ மொத மொதல்ல பேச ஆரம்பிச்சியோ அன்னைக்கே நாம ரெண்டு பேரும் நண்பர்கள் தா , சின்ன வயசுல நீ என்கிட்ட ஒரு நாளைக்கு 100 கேள்வியாவது கேட்ப , எதுவும் எனக்கு சலிப்ப தந்ததில்ல அதுக்கு பதில் சொல்ல எனக்கு அவ்வளவு ஆசையா இருக்கும் .

இப்ப எனக்கு தெரிஞ்சத உனக்கு சொல்லுவத விட , எனக்கு தெரியாதத உன் கிட்ட கேட்டு தெரிஞ்சுக்கிட்டது தான் அதிகம் .

படிப்பிலையும் சரி விளையாடிலும் சரி உன்ன நெனச்சு கவலைப்படுற வாய்ப்ப துளியும் கொடுக்கல , உன் கூட பழகுன ஒருத்தரும் பெருசா உன்ன குறை சொன்னதில்ல உங்க அம்மாவையும் தங்கையும் தவிர , அதுவும் எல்லா நேரமும் இல்ல.

என்னால எங்க அப்பாவுக்கு கொடுக்க முடியாத , கொடுக்க நினைக்காததை, எவ்வளவோ நீ எனக்கு கொடுத்திருக்க என் தங்கமே , நியாயமா நீ ஆசைப்பட்டது எல்லாத்தையும் ஒன்று விடாமல் வாங்கிக் கொடுக்க முடிஞ்சது இப்ப வரைக்கும் , இதுக்கு பிறகு எனக்கு அந்த சக்திய கொடுக்க அந்த பிரபஞ்சத்தை வேண்டுகிறேன் .

நீ என் வாழ்க்கைல வந்து எவ்வளவு சந்தோஷத்த கொடுத்தியோ அதைவிட பல மடங்கு இந்த சமூகத்துக்கு உன்னுடைய இருப்பு கொடுக்கணும் , கொடுப்பேன்னு ஆணித்தரமா நம்பர . என்ன மாதிரி குணம் இருக்கிறவங்கள பொதுவா யாருக்கும் பிடிக்காது , வீட்லயும் சரி வெளியேயும் சரி , சின்ன சின்ன விஷயத்துக்கு கோவப்படுறது ,எப்ப சிரிப்ப எப்ப கோபப்படுவேன்னு எனக்கே தெரியலனாலும் , நீ என்ன முழுசா புரிஞ்சிகிட்டவ .

உன்ன ஆசையா கொஞ்சும் போது , என் கூட சேர்ந்து நீயும் கொஞ்சுவ , நீ செய்யர சேட்டைகள் சில உதாரணத்துக்கு , வீட்டுக்கு வெளியே போட்டு இருக்கிற தகர சீட்டுக்கு பக்க பலமா இருக்கிற 12 அடி பைப் கம்பியில கடகடனு ஏறி மேல இருக்கிற இரும்புல தல இடிச்சுக்குமே என்ற பயம் கூட இல்லாம , மேல இருந்து கீழ சுத்திக்கிட்டே சர்ருனு பல வாட்டி வருவது,

நான் கஷ்டப்பட்டு வீட்டுல ஓட்டுன வால் ஸ்டிக்கர , கையில ரப்பர் பந்த வெச்சுகிட்டு இருக்கிற எல்லா பவுலரபோல போடுறன்னு ஒரு ஒரு ஸ்டைலா போட்டு செவுத்துல அடிச்சு கிழிக்கும் போதும் , உன் பொருள் எல்லாத்தையும் உடைச்சு முடிச்சுட்டு , அடுத்து உன் தங்கச்சி பொருளையும் விளையாடுற என்ற பெயரிலே நைசா ஒடச்சிட்டு அவல அழ வைக்கும் போது என இப்படி கோவத்துல உன்ன திட்டும்போது , சில தடவ அமைதியா இருந்துடுவ , பல தடவ ஒரு சில வார்த்தையில சில நொடியில உன் முக பாவத்துல என் கோபத்தை கரைச்சு பழைய நிலைக்கு கொண்டு வந்துருவ , என் வாழ்க்கையில யாரும் இந்த வித்தைய செஞ்சது இல்ல .

நா இன்னும் கொஞ்ச நாள் வாழனும்னு நினைக்கிறதுக்கு காரணமே நீயும் உன் தங்கச்சியும் தான், உன் அம்மாவையும் தங்கச்சியையும் நல்லா பார்த்துப்பனு நம்புறேன் , இந்த பிறந்தநாள் உனக்கு கொடுத்த சந்தோஷத்த விட , இன்னும் பல மடங்கு அடுத்து வரப்போற நூறு பிறந்த நாளுக்கும் கொடுக்க வேண்டும் என்று கடவுளை வேண்டுகிறேன் my child .

இப்படிக்கு உன் அப்பா

V. அரிபாபு