கல்லூரி களப்பயணத்தில் 3,427 அரசுப் பள்ளி மாணவா்கள்: காஞ்சிபுரம் ஆட்சியா்
சேலம் அஸ்தம்பட்டி மண்டலத்தில் கோட்டம் எண்.16 இல் அமைந்துள்ள நுண்உயிரி உரம் தயாரிக்கும் மையத்தில் ஆணையா் மா.இளங்கோவன் வெள்ளிக்கிழமை ஆய்வு மேற்கொண்டாா்.
இந்த மையத்தில் விவசாயிகளுக்கு விலையில்லாமல் நுண்உயிரி உரம் வழங்கப்படுவதை கேட்டறிந்த அவா், தூய்மைப் பணியாளா் வீடுவீடாகச் சென்று மக்கும் குப்பை, மக்கா குப்பை என தரம் பிரித்து சேகரிக்கின்றனரா என ஆய்வு செய்தாா். தொடா்ந்து மணக்காடு தொடக்கப் பள்ளியில் ஒருங்கிணைந்த குழந்தைகள் வளா்ச்சித் திட்டத்தின் கீழ், குழந்தைகளுக்கு வழங்கப்படும் காலை உணவுத் திட்டத்தை ஆய்வு செய்து கடைப்பிடிக்க வேண்டிய சுகாதார முறைகள் குறித்து பணியாளா்களுக்கு அறிவுரை வழங்கினாா்.
தூய்மைப் பணியாளா்கள் உரிய பாதுகாப்பு உபகரணங்களை அணிந்து குப்பை சேகரிக்க வேண்டும் என அறிவுறுத்தினாா். ஆய்வின் போது, மாநகர நல அலுவலா் மரு.ப.ரா.முரளி சங்கா் உள்பட பலா் உடனிருந்தனா்.
