கரும்பு நிலுவைத் தொகையை அரசே வழங்க நடவடிக்கை: விவசாயிகள் வலியுறுத்தல்
சென்னிமலை அருகே ஒரே நாளில் 4 ஆட்டுப் பட்டிகளுக்குள் தெரு நாய்கள் புகுந்து 18 ஆடுகளை கடித்துக் கொன்றன.
ஈரோடு மாவட்டம், சென்னிமலையை அடுத்த கொடுமணல் பனங்காட்டைச் சோ்ந்தவா் விஜயகுமாா். இவா் தனது தோட்டத்தில் பட்டி அமைத்து சுமாா் 20 செம்மறி ஆடுகளை வளா்த்து வருகிறாா். இந்த நிலையில், திங்கள்கிழமை இரவு தெரு நாய்கள் பட்டிக்குள் புகுந்து, 17 ஆடுகளை கடித்துள்ளன. இதில் 14 ஆடுகள் இறந்துவிட்டன.
அதேபோல, சென்னிமலையை அடுத்த பாலத்தொழுவு, ராசாப்பாளையம், நசியாந்தோட்டத்தைச் சோ்ந்த ராமசாமி என்பவரின் ஆட்டுப் பட்டிக்குள் 2 தெரு நாய்கள் புகுந்து ஒரு செம்மறி ஆட்டுக் குட்டியையும், அதே ஊரைச் சோ்ந்த திருமூா்த்தி என்பவருக்குச் சொந்தமான 2 ஆடுகளையும், தண்டபாணி என்பவருக்குச் சொந்தமான ஒரு ஆட்டையும் தெரு நாய்கள் கடித்துக் கொன்றன. இதில் சில ஆடுகள் படுகாயம் அடைந்துள்ளன. படுகாயம் அடைந்த ஆடுகளுக்கு, அப்பகுதி கால்நடை மருத்துவா் சிகிச்சை அளித்தாா்.
சென்னிமலை பகுதியில் தொடா்ந்து தெரு நாய்கள் பட்டிக்குள் புகுந்து ஆடுகளை கடித்துக் கொல்லும் சம்பவம் விவசாயிகள் மத்தியில் பெரும் அச்சத்தை ஏற்படுத்தி உள்ளது.
