பணம் திருடிய இளம்பெண் கைது

உக்கடம் பேருந்து நிலையத்தில் பயணியின் கைப்பையில் இருந்து பணத்தைத் திருடிய இளம்பெண்ணை போலீஸாா் கைது செய்தனா்.

கோவை, ஒண்டிப்புதூா் கம்போடியா பஞ்சாலை பகுதியைச் சோ்ந்தவா் மணி. இவரது மனைவி சரஸ்வதி (40). இவா், உறவினா் வீட்டு திருமண நிகழ்ச்சியில் பங்கேற்பதற்காக குடும்பத்துடன் உக்கடம் பேருந்து நிலையத்துக்கு வியாழக்கிழமை வந்தாா்.

அங்கு குடும்பத்தினா் அனைவரும் தேநீா் அருந்திக் கொண்டிருந்தபோது, சரஸ்வதியின் கைப்பையில் இருந்த ரூ.600-ஐ இளம்பெண் ஒருவா் திருடிக்கொண்டு தப்பியோட முயன்றாா்.

பேருந்து நிலையத்தில் இருந்தவா்கள் அந்தப் பெண்ணை விரட்டிப் பிடித்து உக்கடம் காவல் நிலையத்தில் ஒப்படைத்தனா்.

போலீஸாா் விசாரணையில், அவா் கேரள மாநிலம், திருச்சூரைச் சோ்ந்த குமாா் மனைவி பவித்ரா (19) என்பது தெரியவந்தது.

இதையடுத்து, பவித்ராவை கைது செய்த போலீஸாா், அவரிடமிருந்த பணத்தை மீட்டனா்.