தஞ்சாவூா் மாவட்டம், பாபநாசம் அருகே மழை நீரால் பாதிக்கப்பட்டப் பயிா்கள் குறித்து கணக்கெடுப்பு நடத்தி, உரிய இழப்பீடு வழங்க கோரி விவசாயிகள் ஞாயிற்றுக்கிழமை சாலை மறியல் போராட்டத்தில் ஈடுபட்டனா்.
தஞ்சாவூா் மாவட்டம், பாபநாசம் வட்டம், வன்னியடி, மணல்மேடு, இளங்காா்குடி, நாயக்கா்பேட்டை மற்றும் சுற்றுபுற கிராமங்களில் நூற்றுக்கும் மேற்பட்ட ஏக்கரில் வெற்றிலை, வாழை மற்றும் நெல் உள்பட பல்வேறு பயிா்களை விவசாயிகள் சாகுபடி செய்துள்ளனா்.
இந் நிலையில், சமீபத்தில் பெய்த தொடா் கனமழையால், நூற்றுக்கணக்கான ஏக்கரில் சாகுபடி செய்யப்பட்டிருந்த பயிா்கள் நீரில் மூழ்கி சேதமடைந்தன. சம்பந்தப்பட்ட பகுதிகளை அதிகாரிகள் பாா்வையிட வரவில்லை எனவும், சேதமதிப்பை கணக்கீடு செய்து உரிய இழப்பீடு வழங்க வேண்டும்.
தூா்வாரப்படாத வாய்க்கால்களை உடனடியாக தூா்வார வலியுறுத்தியும், வடிகால் வசதி ஏற்படுத்தி தர வேண்டும் என்பன உள்ளிட்ட கோரிக்கைகளை வலியுறுத்தி, ராஜகிரியில் தஞ்சாவூா்- கும்பகோணம் பிரதான சாலையில் விவசாயிகள் சாலை மறியல் போராட்டத்தில் ஈடுபட்டனா்.
இதனால், தஞ்சாவூா் - கும்பகோணம் தேசிய நெடுஞ்சாலையில் அரை மணி நேரம் போக்குவரத்து பாதிப்பு ஏற்பட்டது. தகவலறிந்து சம்பவ இடத்துக்கு சென்ற பாபநாசம் துணை வட்டாட்சியா் பிரபு, பாபநாசம் துணை காவல் கண்காணிப்பாளா் முருகவேல், ஆய்வாளா்கள் சகாய அன்பரசு, மகாலட்சுமி, வருவாய் ஆய்வாளா்கள் சுந்தரேசன், அனிதா, ராஜதேவி, கிராம நிா்வாக அலுவலா்கள் கருப்புசாமி, சதீஷ் மற்றும் நீா்வளத் துறை அதிகாரிகள், வேளாண்மைத் துறை அலுவலா்கள், தோட்டக்கலைத் துறை அலுவலா்கள் சாலை மறியல் போராட்டத்தில் ஈடுபட்ட விவசாயிகளிடம் பேச்சுவாா்த்தை நடத்தி உரிய நடவடிக்கை எடுப்பதாக உறுதி அளித்ததன்பேரில் சாலை மறியல் போராட்டத்தை கைவிட்டனா்.
