பரமத்தி வேலூா் வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ. 44 லட்சத்து 82 ஆயிரத்துக்கு கொப்பரை ஏலம் நடைபெற்றது.
பரமத்தி வேலூா் சுற்றுவட்டாரப் பகுதிகளில் விளையும் தேங்காய்களை உடைத்து, உலா்த்தி விவசாயிகள் வியாழக்கிழமைதோறும் வெங்கமேட்டில் உள்ள பரமத்தி வேலூா் மின்னணு தேசிய வேளாண்மை சந்தைக்கு விற்பனஐக்கு கொண்டு வருகின்றனா். இங்கு தரத்திற்கு தகுந்தாற்போல மறைமுக ஏலம் விடப்படுகிறது.
கடந்த வியாழக்கிழமை நடைபெற்ற ஏலத்துக்கு 20 ஆயிரத்து 90 கிலோ கொப்பரைகள் கொண்டு வரப்பட்டிருந்தன. இதில் அதிகபட்சமாக கிலோ ரூ. 256.19-க்கும், குறைந்தபட்சமாக 245.99-க்கும், சராசரியாக ரூ. 251.69-க்கும் ஏலம் போனது. இரண்டாம்தர கொப்பரை அதிகபட்சமாக கிலோ ரூ. 244.19-க்கும், குறைந்தபட்சமாக கிலோ ரூ. 190.10- க்கும், சராசரியாக கிலோ ரூ. 241.99-க்கும் ஏலம் போனது. மொத்தம் ரூ. 48 லட்சத்து 33 ஆயிரத்து 654-க்கு ஏலம் கொப்பரை ஏலம் போனது. வியாழக்கிழமை நடைபெற்ற ஏலத்திற்கு 20 ஆயிரத்து 130 கிலோ கொப்பரை கொண்டு வரப்பட்டிருந்தன. இதில் அதிகபட்சமாக கிலோ ரூ. 242.06-க்கும், குறைந்தபட்சமாக ரூ. 222.69-க்கும், சராசரியாக ரூ. 240.16-க்கும் ஏலம் போனது. இரண்டாம்தர கொப்பரை அதிகபட்சமாக கிலோ ரூ. 221.99-க்கும், குறைந்தபட்சமாக கிலோ ரூ. 180.01-க்கும், சராசரியாக கிலோ ரூ. 205.15-க்கும் ஏலம் போனது. மொத்தம் ரூ. 44 லட்சத்து 82 ஆயிரத்து 749-க்கு ஏலம் நடைபெற்றது.
