பாஜக சாா்பில் முருக பக்தா்கள் மாநாட்டுக்கான அழைப்பிதழ் வழங்கும் நிகழ்ச்சி

மதுரையில் பாஜக சாா்பில் ஜூன் 22-ஆம் தேதி நடைபெறும் முருக பக்தா்கள் மாநாட்டுக்கான அழைப்பிதழ்கள் வழங்கும் நிகழ்ச்சி திருவண்ணாமலையில் ஞாயிற்றுக்கிழமை நடைபெற்றது.

திருவண்ணாமலை தெற்கு மாவட்ட பாஜக சாா்பில், திருவண்ணாமலை வ.உ.சி. நகா், 25-ஆவது வாா்டு பகுதியில் நடைபெற்ற நிகழ்ச்சிக்கு, நகரத் தலைவா் பி.சந்தோஷ் பரமசிவம் தலைமை வகித்தாா். மாவட்ட பொதுச் செயலா் கவிதா பிரதீஷ், மாவட்டப் பொருளாளா் எஸ்.பி.கே.சுப்பிரமணியன், தகவல் தொழில்நுட்பப் பிரிவு மாநிலச் செயலா் பிரதீஷ்குமாா் ஆகியோா் முன்னிலை வகித்தனா்.

நகர துணைத் தலைவா் ஏ.இளங்கோ வரவேற்றாா். திருவண்ணாமலை தெற்கு மாவட்ட பாஜக தலைவா் கே.ரமேஷ் சிறப்பு அழைப்பாளராகக் கலந்துகொண்டு பொதுமக்கள், பக்தா்கள், வணிகா்களிடம் முருக பக்தா்கள் மாநாட்டுக்கான அழைப்பிதழ்கள், துண்டுப் பிரசுரங்களை வழங்கினாா்.

நிகழ்ச்சியில், நகரச் செயலா்கள் எம்.வெங்கடேசன், பி.முத்துக்குமாா், நகர பொதுச் செயலா் ஆா்.காளியப்பன், துரிஞ்சாபுரம் ஒன்றிய பொதுச் செயலா் ஆா்.ராஜ்குமாா், ஒன்றிய துணைத் தலைவா் வி.ஏழுமலை உள்ளிட்டோா் கலந்துகொண்டனா்.

செங்கத்தில்...: செங்கம் தொகுதிக்குள்பட்ட 65-ஆவது வாக்குச் சாவடி குழு சாா்பில், செங்கத்தில்

பாஜக மாவட்ட துணைத் தலைவா் செங்கம் சேகா் தலைமையில், மகளிரணி நிா்வாகிகள் செங்கம் மேல்பாளையம், ஜீவானந்தம் தெரு பகுதியில் வீடுதோறும் பூ, பழம் அடங்கிய சீா்வரிசை தட்டுடன் சென்று மதுரை முருக பக்தா்கள் மாநாட்டுக்கான அழைப்பிதழை வழங்கினா்.

நிகழ்ச்சியில் செங்கம் நகரத் தலைவா் காா்த்திகேயன், நகர நிா்வாகி பிரேம்குமாா், கிளைத் தலைவா்கள் அருண்பாலாஜி, சீனு உள்ளிட்டோா் கலந்துகொண்டனா்.