புதிய நீா் மேலாண்மைத் திட்டப் பணிகளைத் தொடங்குகிறது தில்லி அரசு: அமைச்சா் பா்வேஷ் சாஹிப் சிங் தகவல்

தில்ல நகரத்தின் பழைய உள்கட்டமைப்பை மேம்படுத்துதல், நீா் உற்பத்தியை அதிகரித்தல் மற்றும் நகரம் முழுவதும் சமமான விநியோகத்தை உறுதி செய்தல் ஆகியவற்றை நோக்கமாகக் கொண்ட ஒரு புதிய நீா் மேலாண்மைத் திட்டத்திற்கான பணிகளைத் தில்லி அரசு தொடங்கியுள்ளது என்று நீா்வளத் துறை அமைச்சா் பா்வேஷ் சாஹிப் சிங் தெரிவித்தாா்.

இது குறித்து அமைச்சா் கூறியதாவது: நீா் வழங்கல், போக்குவரத்து மற்றும் மேலாண்மை குறித்து கடந்த 10 முதல் 15 ஆண்டுகளில் நடத்தப்பட்ட ஆய்வுகளை மறுஆய்வு செய்ய தில்லி ஜல் போா்டுக்கு (டிஜேபி) அறிவுறுத்தப்பட்டுள்ளது.

நீண்ட கால நீா் மற்றும் கழிவுநீா் மேலாண்மைத் திட்டத்திற்காக, முந்தைய டிஜேபி அறிக்கைகளைப் படித்து, எதிா்காலத்திற்கான புதிய, விரிவான மாஸ்டா் திட்டத்தைத் தயாரித்து வருகிறோம்.

இந்த நுண்ணறிவுகள், ஏற்கெனவே உள்ள குறைபாடுகளை நிவா்த்தி செய்வதற்கும் எதிா்காலத் தேவைகளுக்குத் தயாராவதற்கும் ஒரு நீண்டகால நீா் மாஸ்டா் திட்டத்தை உருவாக்கப் பயன்படுத்தப்படும். தற்போது, நகரத்தின் சராசரி நீா் உற்பத்தி ஒரு நாளைக்கு 900 முதல் 1,000 மில்லியன் கேலன்கள் (எம்ஜிடி) வரை உள்ளது.

இருப்பினும், சராசரி தேவை சுமாா் 1,200 எம்ஜிடி ஆகும், கோடை காலத்தில் தேவை அதிகரிக்கும்.

தில்லி பெருமளவில் நகரமயமாக்கப்பட்ட நகரமாகும். இது மக்கள்தொகையில் மிகப்பெரிய மற்றும் வளா்ந்து வரும் செறிவைக் கொண்டுள்ளது.

இது நீா் வழங்கல் மற்றும் கழிவுநீா் சுத்திகரிப்பு மூலம் சேவை செய்யப்பட வேண்டும். கடைசி தில்லி நீா் கொள்கை கிட்டத்தட்ட ஒன்பது ஆண்டுகளுக்கு முன்பு 2016இல் இறுதி செய்யப்பட்டது. இது எதிா்கால செயல் திட்டத்தை விவரித்தது.

நீா் விநியோகத்தை அதிகரிப்பதோடு மட்டுமல்லாமல், பரிமாற்றத்தின் போது ஏற்படும் இழப்புகளைக் குறைப்பதற்கான வழிகளையும் நாங்கள் ஆராய்ந்து வருகிறோம். இந்தத் திட்டத்திற்கான ஆலோசகா்களை விரைவில் நியமிப்போம் என்றாா் அமைச்சா் பா்வேஷ் சாஹிப் சிங்.

கடந்த ஏப்ரல் மாத தொடக்கத்தில், முதல்வா் ரேகா குப்தா, தில்லியின் நீா் வழங்கல் மற்றும் கழிவுநீா் மேலாண்மை அமைப்பு தொடா்பான பல பிரச்னைகள் குறித்து டிஜேபி அதிகாரிகளுடன் உயா்மட்டக் கூட்டத்தை நடத்தி, குழாய்கள் படிப்படியாக மாற்றப்படும் என்று கூறினாா்.

கடந்த 30 ஆண்டுகளில் நகரத்தின் மக்கள்தொகை அதிகரித்துள்ளது, ஆனால், கழிவுநீா் மேலாண்மை அமைப்பு மற்றும் நீா் விநியோக உள்கட்டமைப்பு மாற்றப்படவில்லை. தற்போதுள்ள உள்கட்டமைப்பு வளா்ச்சிக்கு ஏற்ப வேகத்தை அதிகரிக்க முடியவில்லை. படிப்படியாக மாற்றி அமைக்கும் பணியை மேற்கொள்வோம் என்று முதல்வா் அப்போது கூறியிருந்தாா்.

2027-ஆம் ஆண்டுக்குள், அனைத்து அங்கீகரிக்கப்படாத காலனிகளிலும் கழிவுநீா் இணைப்புகள் இருக்கும் என்றும் தில்லி அரசு அறிவித்துள்ளது. தில்லியின் கழிவுநீா் பெருந்திட்டத்தை தயாரிப்பதற்கு ஆலோசகா்களை பணியமா்த்துவதற்காக டிஜேபி கடந்த ஆண்டு ஒரு டெண்டரை ஏற்கெனவே நடத்தியிருந்தது. இதில் தற்போதுள்ள கழிவுநீா் உள்கட்டமைப்பில் உள்ள குறைபாடுகளை அடையாளம் காண்பதும் அடங்கும்.

தில்லியில் இதுவரை 1,226 அங்கீகரிக்கப்படாத காலனிகளில் கழிவுநீா் குழாய்கள் வெற்றிகரமாக அமைக்கப்பட்டுள்ளன, அதே நேரத்தில் 154 அங்கீகரிக்கப்படாத காலனிகளில் பணிகள் நடந்து வருகின்றன என்று தில்லி அரசு தெரிவித்துள்ளது.