மூச்சுத் திணறலால் 8 மாத குழந்தை உயிரிழந்த நிலையில், சளித் தொல்லைக்காக விக்ஸ் மற்றும் கற்பூரம் சோ்த்து மூக்கில் தேய்த்தால் அதனால் குழந்தை உயிரிழந்ததா என்பது குறித்து போலீஸாா் விசாரித்து வருகின்றனா்.
சென்னை அபிராமபுரம் டாக்டா் ராதாகிருஷ்ணாபுரம் வல்லவன் நகா் பகுதியைச் சோ்ந்தவா் தேவநாதன். இவரின் 8 மாத குழந்தைக்கு கடந்த சில நாள்களாக சளித் தொல்லை இருந்து வந்தது. இதையடுத்து அக்கம் பக்கத்தினரின் அறிவுரைப்படி, கடந்த 13-ஆம் தேதி விக்ஸ் மற்றும் கற்பூரத்தை சோ்ந்து குழைத்து குழந்தையின் மூக்கில் தடவியுள்ளாா்.
இதனால், குழந்தைக்கு மூச்சுத் திணறல் ஏற்பட்டது. இதையடுத்து எழும்பூா் குழந்தைகள் நல மருத்துவமனையில் சோ்த்தனா். அங்கு, சிகிச்சை அளிக்கப்பட்டு வந்த நிலையில், சிகிச்சை பலனின்றி குழந்தை புதன்கிழமை உயிரிழந்து.
இதுகுறித்து தகவலறிந்து சம்பவ இடத்துக்குச் சென்ற போலீஸாா், குழந்தையின் உடலை மீட்டு கூறாய்வு பரிசோதனைக்காக அனுப்பி வைத்ததுடன், சளித் தொல்லையால்தான் குழந்தை உயிரிழந்ததா அல்லது விக்ஸ் மற்றும் கற்பூரத்தை குழைத்து மூக்கில் தேய்த்ததால் மூச்சுத் திணறல் ஏற்பட்டு உயிரிழந்ததா என்பது குறித்து விசாரணை நடத்தி வருகின்றனா்.
