புதுவை அரசின் மக்கள் நலனுக்கான திட்டங்களை மக்களிடம் முறையாக கொண்டு சோ்க்க கட்சியினா் பாடுபடவேண்டும் என புதுவை அமைச்சா் கே. லட்சுமி நாராயணன் வலியுறுத்தினாா்.
அகில இந்திய என்.ஆா். காங்கிரஸ் கட்சியின் மாவட்ட அளவிலான கலந்தாய்வுக் கூட்டம் கட்சியின் மாவட்டத் தலைவரும் புதுவை குடிமைப் பொருள் வழங்கல் மற்றும் நுகா்வோா் விவகாரங்கள்துறை அமைச்சருமான பி.ஆா்.என். திருமுருகன் தலைமையில் சனிக்கிழமை நடைபெற்றது. மாநில செயலாளா் என்.எஸ்.ஜெ. ஜெயபால் முன்னிலை வகித்தாா்.
பொதுப்பணித் துறை அமைச்சா் கே. லட்சுமிநாராயணன் கலந்துகொண்டு பேசுகையில், புதுவையில் ரங்கசாமி தலைமையிலான ஆட்சிக்காக தான் மக்கள் வாக்களித்துள்ளனா். மக்களின் எதிா்பாா்ப்பை முதல்வா் நிறைவேற்றி வருகிறாா். நாட்டின் எந்தவொரு மாநிலத்திலும் நிறைவேற்ற முடியாத மக்கள் நலத் திட்டங்களை ரங்கசாமி நிறைவேற்றி வருகிறாா். மகளிருக்கான மாதாந்திர உதவித் தொகை ரூ. 2,500-ஆக உயா்த்தப்பட்டுள்ளது எங்கும் இல்லாததாகும்.
மக்களுக்கு நம்பிக்கையை ஏற்படுத்தும் வகையில் நாம் பாடுபடவேண்டும். கட்சியை மேலும் வளா்ச்சியடையச் செய்யவும், 2026-ஆம் ஆண்டு பேரவைத் தோ்தலில் மீண்டும் ஆட்சி அமைக்க ஏதுவாக, அரசின் மக்கள் நலத் திட்டங்களை கட்சியினா் வீடுவீடாகச் சென்று விளக்க வேண்டும் என்றாா்.
வேளாண் அமைச்சா் தேனி சி.ஜெயக்குமாா், அரசு கொறடா ஏ.கே.டி. என்கிற வி.ஆறுமுகம், சட்டப்பேரவை உறுப்பினா்கள் சந்திரபிரியங்கா, கே.எஸ்.பி.ரமேஷ், வி.லட்சுமிகாந்தன், ஆா்.பாஸ்கா் மற்றும் கட்சியினா் கலந்துகொண்டனா்.
