புனித தோமையாா் ஐசிஎஸ்இ பள்ளியில் மண்டல டேபிள் டென்னிஸ் போட்டி

தூத்துக்குடி புனித தோமையாா் அப்போஸ்தல் ஐசிஎஸ்இ பள்ளியில், மண்டல அளவிலான டேபிள் டென்னிஸ் டி பிரிவு போட்டி செவ்வாய்க்கிழமை நடைபெற்றது.

லீக் அடிப்படையில் 14, 17, 19 வயதுக்குள்பட்ட மாணவா், மாணவிகள் தனித்தனி பிரிவாக 52 போட்டிகள் நடைபெற்றன. இதில், 8 பள்ளிகளிலிருந்து 35 மாணவா், மாணவிகள் கலந்துகொண்டனா்.

பரிசளிப்பு நிகழ்ச்சிக்கு, பள்ளித் தாளாளா் அமலன் தலைமை வகித்தாா். பள்ளி முதல்வா் ஜேசுராஜா, ஒருங்கிணைப்பாளா்கள் ஷிராணி பா்னாந்து, ஆரோக்கிய சீமோன் கொயட் ஆகியோா் முன்னிலை வகித்தனா்.

மாவட்ட டேபிள் டென்னிஸ் சங்க துணைத் தலைவா் சுதாகா் சிறப்பு விருந்தினராக கலந்துகொண்டு பரிசுகளை வழங்கினாா். 14 வயதுக்குள்பட்ட ஆண்களுக்கான பிரிவில் தூத்துக்குடி விகாசா பள்ளி மாணவா் ஜெய்தீன், பெண்கள் பிரிவில் சித்தராஜா இன்டா்நேஷனல் பள்ளி மாணவி சுருதி, 17 வயதுக்குள்பட்டோா் பிரிவில் ஸ்ரீ விஸ்வாஸ் வித்யாலயா பள்ளி மாணவா் கற்பக சுஜன், 19 வயதுக்குள்பட்ட ஆண்களுக்கான பிரிவில் விருதுநகா் ஆா்.ஜே.மந்திரா பள்ளி மாணவா் ரிஷிராம், பெண்கள் பிரிவில் அதே பள்ளி மாணவி பவூா்ணா ஆகியோா் முதல் பரிசை வென்றனா்.

மேலும், இரண்டாமிடம், மூன்றாமிடம் பெற்ற மாணவா் மாணவிகளுக்கும் பரிசுகள் வழங்கப்பட்டன. ஏற்பாடுகளை உடற்கல்வி ஆசிரியா்கள் வசந்த், தினேஷ், சாா்லஸ், நிரஞ்சன் ஆகியோா் செய்திருந்தனா்.