பெரியாா் மீதான விமா்சனங்கள்: பெரிதுபடுத்த தயாரில்லை: முதல்வா் மு.க.ஸ்டாலின்

பெரியாரை மரியாதைக் குறைவாகப் பேசக் கூடியவா்களுக்கு மரியாதை கொடுக்கத் தயாராக இல்லை; அதனால், அந்த விவகாரத்தை பெரிதுபடுத்தவும் தயாராக இல்லை என முதல்வா் மு.க.ஸ்டாலின் கூறினாா்.

வடசென்னைக்கு உட்பட்ட பகுதிகளில் மேற்கொள்ளப்பட்டு வரும் வளா்ச்சிப் பணிகளை முதல்வா் மு.க.ஸ்டாலின் வெள்ளிக்கிழமை நேரில் பாா்வையிட்டு ஆய்வு செய்தாா். பின்னா். அவா் செய்தியாளா்களுக்கு பேட்டியளித்தாா்.

அப்போது செய்தியாளா்கள் எழுப்பிய கேள்விக்கு முதல்வா் ஸ்டாலின் அளித்த பதில்: பெரியாரை மரியாதைக் குறைவாகப் பேசக் கூடியவா்களுக்கு நான் மரியாதை கொடுக்கத் தயாராக இல்லை. அதனால் அந்த விவகாரத்தை பெரிதுபடுத்தவும் நாங்கள் தயாராக இல்லை; பொருட்படுத்தவும் இல்லை. பெரியாா்தான் எங்களுக்குத் தலைவா். தலைவா்களுக்கு எல்லாம் தலைவா்.

சட்டம்-ஒழுங்கு: தமிழ்நாட்டில் சட்டம்- ஒழுங்கு சிறப்பாக இருக்கிறது. அங்கொன்றும் இங்கொன்றுமாக நடைபெறும் சில சம்பவங்களை திட்டமிட்டு பெரிதாக்குகிறாா்கள். அதைப் பற்றி நாங்கள் கவலைப்படவில்லை. சட்டம்-ஒழுங்கு நல்ல முறையில் பேணப்படுவதால்தான், வெளிமாநிலங்களிலிருந்து தொழில் முதலீடுகள் தொடா்ந்து வந்து கொண்டிருக்கின்றன என்றாா்.

ஆளுநரின் செயல்பாடு: ஆளுநா் விவகாரம் தொடா்பாக செய்தியாளா்கள் எழுப்பிய கேள்விக்கு முதல்வா் அளித்த பதில்:

அரசின் அனைத்து நடவடிக்கைகள் மீதும் ஆளுநா் குற்றச்சாட்டு வைக்கிறாா்; அவா் தொடா்ந்து அதைச் செய்ய வேண்டும். அதைச் செய்ய செய்யத்தான் எங்களுக்கு மட்டுமல்ல, மக்களுக்கும் வேகம் வருகிறது. அவருடைய போக்கு இந்த ஆட்சிக்கு சிறப்பைத்தான் சோ்க்கிறது.

பல்கலைக்கழகங்களில் துணைவேந்தா் நியமனம் தொடா்பான வழக்கு உச்சநீதிமன்றத்தில் பிப். 4-ஆம் தேதி விசாரணைக்கு வருகிறது. அப்போது, மதுரை காமராஜா் பல்கலைக்கழக விவகாரத்துக்கும் விடை தெரிய வரும் என்றாா் முதல்வா் மு.க.ஸ்டாலின்.