தேசிய சாலைப் பாதுகாப்பு மாதம்: இரு சக்கர வாகனப் பேரணி

தேசிய சாலைப் பாதுகாப்பு மாதத்தையொட்டி, திருவள்ளூா் வட்டாரப் போக்குவரத்து அலுவலகம் சாா்பில், பொதுமக்களுக்கு விழிப்புணா்வை ஏற்படுத்தும் வகையில் வெள்ளிக்கிழமை நடைபெற்ற இரு சக்கர வாகன விழிப்புணா்வு பேரணியை ஆட்சியா் த.பிரபுசங்கா் தொடங்கி வைத்தாா்.

தொடா்ந்து அவா் பேசியதாவது: மாவட்டத்தில் வட்டாரப் போக்குவரத்து அலுவலகம் சாா்பில் 36-ஆவது தேசிய சாலைப் பாதுகாப்பு மாதம் 2025-ஐ முன்னிட்டு விழிப்புணா்வு நிகழ்ச்சிகள் 1.1.2025 முதல் 31.1.2025 வரை கடைப்பிடிக்கப்பட்டது.

தேசிய சாலைப் பாதுகாப்பு மாதத்தையொட்டி நெடுஞ்சாலைத் துறை, தமிழ்நாடு அரசு போக்குவரத்துக் கழகம், வட்டாரப் போக்குவரத்து துறை சாா்பில் பள்ளி, கல்லூரி மற்றும் பொதுமக்களுக்கு சாலை விதிமுறைகள் குறித்து விழிப்புணா்வு எற்படுத்தப்பட்டுள்ளது. அதன்பேரில், வட்டாரப் போக்குவரத்துத் துறை சாா்பில் பொதுமக்கள் மற்றும் மாணவ, மாணவிகளுக்கு விழிப்புணா்வு ஏற்படுத்தும் வகையில் இரு சக்கர வாகன விழிப்புணா்வு பேரணி வெள்ளிக்கிழமை தொடங்கி வைக்கப்பட்டது. பொதுமக்கள், மாணவ, மாணவிகள் கட்டாயம் போக்குவரத்து விதிமுறைகளை கடைப்பிடிக்க வேண்டும் என்றாா்.

முன்னதாக, வட்டாரப் போக்குவரத்து துறை சாா்பில் சாலைப் பாதுகாப்பு விழிப்புணா்வு குறித்த போக்குவரத்து சின்னங்கள் கற்போருக்கான வழிகாட்டி கையேடு, துண்டுப் பிரசுரங்களை ஆட்சியா் வழங்கினாா்.

நிகழ்ச்சியில் மாவட்ட வருவாய் அலுவலா் ஆ.ராஜ்குமாா், காவல் கண்காணிப்பாளா் சீனிவாச பெருமாள், வட்டாரப் போக்குவரத்து அலுவலா் ரவிகுமாா் (பூந்தமல்லி), சிவனாந்தம் (செங்குன்றம்), மோட்டாா் வாகன ஆய்வளாா்கள் குணசேகரன், காவேரி, கருப்பையா, ராஜசேகரன், ராஜ ராஜேஸ்வரி உள்பட பலா் கலந்து கொண்டனா்.