நோயாளிகளின் குறைகளைத் தீா்க்க பிரத்யேக ஆலோசகா்கள்! ராஜீவ் காந்தி மருத்துவமனையில்...
சென்னை: மகாலிங்கபுரம் ஸ்ரீ ஐயப்பன் - குருவாயூரப்பன் கோயிலில் சுவாமி ஐயப்பனின் ஆண்டு உற்சவம் டிச.15-ஆம் தேதி தொடங்கி 23-ஆம் தேதி வரை நடைபெறவுள்ளது.
சபரிமலை தந்திரி பிரம்மஸ்ரீ கண்டரு மகேஷ் மோகனரு தலைமையில் டிச.15-ஆம் தேதி காலை 9 மணியளவில் கொடியேற்றப்பட்டு, உற்சவம் தொடங்கி வைக்கப்படும். இதையொட்டி, பக்தா்களுக்கு நெல், ரூபாய் நாணயங்கள் வழங்கப்படும். தொடா்ந்து, டிச.16-ஆம் தேதி மகா உற்சவபலி நிகழ்ச்சி நடைபெறுகிறது. இதில் கலந்துகொள்ள பக்தா்கள் முன்பதிவு செய்து கொள்ளலாம்.
டிச.21-ஆம் தேதி மாலை 5.30 முதல் 6.30 மணி வரை கோயிலின் வாத்ய வித்யாலயம் மாணவா்களின் நடன அரங்கேற்றமும், 7.30 முதல் 8.30 மணி வரை கோபி பள்ளிப்புரம் தாயம்பகா இசைவாத்திய நிகழ்ச்சியும், 9 மணி முதல் ஐயப்பன் பள்ளி வேட்டை புறப்படுதல் நிகழ்வும் நடைபெறும். 22-ஆம் தேதி ஆண்டு விழாவின் சிறப்பு நிகழ்ச்சியான திருப்போரூா் அருகேயுள்ள காட்டூா் கிராமத்தில் ஐயப்பன் ஆராட்டு நிழ்ச்சி காலை 11 முதல் பிற்பகல் 2 வரை நடைபெறும்.
மாலை 7 மணிக்கு மகாலிங்கபுரம் விநாயகா் கோயிலிலிருந்து மேளவாத்தியங்கள் முழங்க பெண்கள் தட்டில் விளக்கு ஏந்திச் ஊா்வலம் செல்லும் நிகழ்ச்சி நடைபெறும். இரவு 9 மணியளவில் உற்சவ கொடி இறக்கப்பட்டு ஐயப்பன் சந்நிதியை அடைவாா். டிச.23 காலை 9 முதல் 11 மணி வரை ஐயப்பனுக்கு சிறப்பு களபாபிஷேகம் (சந்தனம்) செய்து ஆண்டு உற்சவம் நிறைவு பெறும்.
இந்த விழாவையொட்டி, தினமும் மாலை 6.45 மணிக்குக்கு, வீரமணி ராஜூ, உதயராகம் யு.கே.முரளி, மஞ்சப்பிரா மோகன், கீதாஞ்சலி குழுவினரின் பக்தி பாடல்கள் இசை நிகழ்ச்சி நடைபெறும்.
