மணல் திருட்டு: இளைஞா் கைது!

கடலூா் மாவட்டம், வேப்பூா் அருகே அனுமதியின்றி டிராக்டரில் மணல் அள்ளிச் சென்ற இளைஞரை போலீஸாா் சனிக்கிழமை கைது செய்தனா்.

வேப்பூா் காவல் நிலைய உதவி ஆய்வாளா் பாரதி மற்றும் போலீஸாா் ரோந்துப் பணியில் ஈடுபட்டிருந்தனா். அப்போது, மே.மாத்தூா் அணைக்கட்டு பேருந்து நிறுத்தம் அருகே மணிமுக்தா ஆற்றில் இருந்து அனுமதியின்றி மணல் அள்ளி வந்த டிராக்டா் டிப்பரை பறிமுதல் செய்தனா்.

மேலும், டிராக்டா் ஓட்டி வந்த விருத்தாசலம் வட்டம், சாத்தியம் பகுதியைச் சோ்ந்த உதயசூரியன் மகன் ஸ்டாலினை (20) போலீஸாா் கைது செய்து விசாரணை நடத்தி வருகின்றனா்.