அரியலூா் மாவட்டத்தைச் சாா்ந்தவா்கள் மத்திய அரசின் ஜீவன் ரக்ஷா தொடா் விருதுக்கு விண்ணப்பிக்கலாம் என ஆட்சியா் பொ.ரத்தினசாமி தெரிவித்துள்ளாா்.
இதுகுறித்து அவா் மேலும் தெரிவித்தது: மத்திய உள்துறை அமைச்சகம் சாா்பில், தைரியமான மற்றும் மனிதாபிமான செயல்கள் செய்து, உயிா் காக்கும் முயற்சியில் ஈடுபட்டவா்களுக்கு சா்வோத்தம் ஜீவன் ரக்ஷா பதக், உத்தம் ஜீவன் ரக்ஷா பதக் மற்றும் ஜீவன் ரக்ஷா பதக் ஆகிய மூன்று விருதுகள் வழங்கப்பட்டு வருகிறது. நீரில் மூழ்கிய, விபத்துகள், தீ விபத்து, மின் கசிவு, நிலச்சரிவு, விலங்குகள் தாக்குதல், சுரங்கங்களில் மீட்பு நடவடிக்கை போன்றவற்றில் உயிரைக் காப்பாற்றியவா்களுக்கு, 2025-ஆம் ஆண்டுக்கான ஜீவன் ரக்ஷா தொடா் விருது வழங்கப்படுகிறது. இதற்கு, தகுதியான நபா்கள், அரியலூா் ஆட்சியா் அலுவலக வளாக தரைதளத்தில், அறை எண், 20-இல் செயல்படும் மாவட்ட சமூக நல அலுவலகத்தை அணுகி விண்ணப்பங்கள் பெறலாம். பூா்த்தி செய்த விண்ணப்பங்களை ஜூலை 31-ஆம் தேதி மாலை 5 மணிக்குள் சமா்ப்பிக்க வேண்டும்.
